مراكش واش كاين شي مسؤول هاديك الكرنة حتى لين غادي تبقى مسدودة ؟ ؟

مند مدة و المذبح البلدي بالحي الحسني " دوار العسكر" يعيش  إضرابا، بغض النظر عن أسباب الاحتجاج،لكن النتيجة ستكون خطيرة و سلبية على المواطن، لان هذا الإضراب سيفتح الباب للذبيحة السرية،وحينها ما بقى لا طابع ازرق و لا قوقي و لا حتى فجلي ...

ويعلم الله اللحوم التي ستدخل السوق مستقبلا من أين مصدرها؟

 إذن من واجب من يهمهم الأمر حل هذا الإشكال.

 الوالي أبان عن عدم قدرته على تدبير أمور المدينة، وانصحه بتقديم استقالته.أما العمدة فهو  الغائب عن هموم الدراويش، والحاضر المواظب على حضور الندوات و المؤتمرات ..

 أعباد الله راه  كاينين تجار صغار، أرباب محلات المأكولات الخفيفة بالأحياء الشعبية، أصابهم ضرر كبير، لانه ليس لهم مصدر رزق سوى " الكرنة " منين غادي يجيبو السلعة؟:

 صوصيط كفتة ...الخ من البنين او طانزانيا ؟؟..

 اوا الا بقا الحال على ما هو عليه فان  صحة المواطن ستكون في خطر،الناس ماغادي يصبرو على غياب اهم مادة غذائية = اللحم إلا سالا الستوك = المخزون.

 اوا حتى لين غادي يبقى هاد المشكل ديال " الكرنة "..

 لا عمدة لا والي فلمدينة ...

 واش نتوما ناعسين .. اعباد الله ..؟.

حلو البروبليم  في اقرب وقت، قبل ما تكون شي انتفاضة ديال الشعب بشعار:

 بينا اللحم و لا ناكلو لمشاش ؟  

 خليونا من الطابع أزرق أو أحمر أو أخضر ...

 اعمي حصاد الله يرضي عليك، حل لينا هاد المشكل، ريثما يعين جلالة الملك والي على مراكش. صاحب محل لبيع المأكولات الخفيفة صوصيط كفتة طيحان.. اشتكى لي و على لسانه يقول انه صار عاطلا عن العمل ماكاينة سلعة، اوا اش غادي يوكل ولادو اعباد الله ؟ ...

لا حول و لا قوة الا بالله ..