mercredi 13 juillet 2016

اللعب حماض و معيق بزاف حزب العدالة و التنمية و الحركة الشعبية فلمقلاع تويشية كوحلالية

صورة من الموقع الأزرق 
مول فضيحة ملعب مولاي عبد الله ضمصو الملف لي خذا شي ملايييير الله ينفعو،مول الشكلاط،مولات بركاصت الطاليان...الخ هادو من حزب الحركة..
 اوا بنكيران راكم عارفين جابو ليه هاد التويشية ديال زبال الطاليان بالأطنان للمغرب لوززز البلدان فهاد الوقت باش يجمعوه فالانتخابات .. 
والصراحة ما تلومومش بنكيران راه مجرد عبد مأمور.ثم أنه مهلي  و مفشش  الوزراء و البرلمانين،لأنه فاهم اللعبة غادي يديرو ليه كيما دارو لعبد الرحمان اليوسفي، نبش ملفات الفساد صيفطوه يسخن = يرتاح ..
اللهم بعدا ينتف بنكيران شي تقاعد واخا هو ماشي مخصوص عندو مشارييييييع،ولكن لي جرها من المخزن ربح  عندو اللهم لا حسد ..
أبشاااااااااااااااااااخخخخخ ..
كوليني يا سمكة .. 
كون غير درت  مشروع السياسة كون جاب الله التيسير، ونشد شي تقاعد،ولكن انا أكبر سطل بشمال افريقيا،مشيت نقرا القانون الدولي اخزيييييييييييييييت على الكلخ ..
 اللعب باين وبنكيران ضربها بسكتة حول زبل الطاليان ماشي لأنه خاف يواجه الناس، وعندو مليشيات اعلامية تسد عين الشمس..ولكنه فهم ان نهايته وشيكة،زعما بقا ليه هاد شي لي  بقا لشهر 10
حقيقة بقا فيا بنكيران كثرو عليه، وغزاااااااااو فيه، وسرو هاداك، ويستهال لأنه حدر ليهم الراص و فرط فالشعب، باش يبقى موظف سامي برتبة رئيس حكومة. 
المخزن ما فيه ثقة البصري نموذجا، ساسوه بحال زيرو مكية..
المخزن  يضرب بيك وقيتة و يصيفطك ترتاح لان البطيخ العربي 2011 هو الكوتشي لي جابك للحكومة، دابا ماكاين لا بطيخ و لا خرشوف، ارا البام ياكل حقو.. وكما يقول احد فلاسفة الموزمبيق الشقيقة :
"لي صرط حقو يغمض عينيه " اوا الله يجعل البركة، كلتي .. وكلتي الناس معاك..اوا سير تصنت لعظامك، خلي الياس راه عايش فقط عالة على زوجته، كما صرح لأحد الصحف الكاغيطية = الورقية ما عندو صالير = أجر مسيكين بقا فيا .. 
أما حزب مزوار ساكت و مرزن، ومنيش على الجهة الغالبة يتلاح ليها ..
 اعطيييييه العصير إلى اللقاء 

Aucun commentaire:

Enregistrer un commentaire