mardi 21 juin 2016

تويشية كوحلالية : بقا لينا غير البيئة؟

 أجي فحالك لا تكتر من لكرافص،راه كا يرخي لعظام وسلسول الظهر.. و الله أعلم ..
البيئة عند بعض المسئولين المغاربة تتجلى في أمور تافهة، علمان ان جل و ليس كل من شعبنا لا يفهم جيدا ما هي البيئة ؟، فبالأحرى أن يحافظ عليها ..
غير بالصدفة جاي من التراويح، سمعت لأول مرة إشهار عن البيئية والميكة وخالتها القفة. أنا ماعيش فالمغرب ما عراف أش واقع .. ديزولي = أسف .. 
اشنو هاد لهبال الاعلامي حول الميكة و القفة ؟..
ابشاخخخخخخخخخخخ ...كوليني يا سمكة ..
نعطيكم تويشيات مراكشية، الله يخلف عليكم، تابعو معي و أتمنى أن لا أطيل على حضراتكم مرسي بوكو بوكو .. و اربطوا الأحزمة جيدا بليز ..
دابا الحفاظ على البيئة هي أن لا نستعمل الميكة ..
  طيب جميل :  
نستعملو القفة ..

أمممممممم..لوزززززز ..اوا ..ندوزززززز نكمل هاد التويشية
اوا الدرويش مسيكين: اكزومبل= مثال  بغا يشري غير 2 بيضات،و رويبعة ديال سانيدة، وربع كيلو سكر من فرشخ من قالب السكر، يدي معاه القفة يا عقول القفة ؟...
لولية = ربة البيت بغات تمشي لحانوت تشري 40 ريال شعرية، و شي حكيك ديال مطيشة، تهز معاه القفة...
سيرو الله يهزكم علينا نتهناو منكم ..أمييييييييييييييييييييييييييييييين ...
بلاتي  نوريكم البيئة فمراكش أنموذجا ..
اليوم صليت الظهر فالكتبية جروني كراوعي = رجلي قرب سور عرصة المعاش، اش منك يا روائح زفت، وشي بقايا بيولوجية بشرية = تويشيات حامضة أكثر من الحامض مشموم زفت لي داز يشم، من العرب و العجم السياح ..
شوفو أحياء طبقة حزقستان المزاليط الدراويش،البركاصة إلا عمرت الناس يلقون بالأزبال قرب البراكيص جمع بركاصة تغرقو فيها كاملين إنشاء الله ..
شوفو شي براوط جمع برويطة = سيارت خردة الدخان كحل أكثر من لارواس لكحل، و الله واخا يكونو تايشويو الراص ديال البكري حدا الباتري، ولا هضرتي مع شي مول شي برويطة، كحالت عليك، يخرج حلوف الغيس كا يقرق فعينيه و يعطيك  الجواب في الحين :
" يا كما بخرنا ليك نعامس باب الدار، اوا سير تكمش لا نفرشخك بحال شي مش..
هاكا دلقوشي، يعطيني اللقوة الكوشية = العسرية..أنا عزيز عليا ندخل الشبوق = لفضول  
 وااااااااااااااااا عباد الله:
نقيو لبلاد من الفساد السياسي و المالي و الرشوة و المحسوبية، عاد اجيو هضرو على البيئة.
واش عندنا ناس باقي تا يلوحو الزبل فالشارع العام، وشي كا يتكى على شي شجرة و يبول و هانية على وزن زاكية .. اوا هضر معاه،والله حتى يكمل البولة فخنشوشك = وجهك ..
  كاينين شي بهايم  يشاهدون رجال النظافة يتعذبون، ورغم ذلك يلقون بنفاياتهم،هاذي بينتة ديال فافوريت، هذا كاغيط المسكة، سير يعطيكم لحلاقم، الراجل كد لحمار، و يندغ المسكة ..  اتفووووووووووووو على رجال بيمو الحامض ..
يشهد علي الله شفت شي بهايم يلقون بعلب المونادا من السيارة، أو يبصقون من النافذة. وسيارات زعما واهههههههه متكتكين = سيارات فارهة واش حنا باقي عندنا شي ناس يتركون ممر الراجلين و يقطعو لا روط = الطريق وسط السيارات ..؟..
 واش حنا وصلنا لهاد المستوى نفهمو الناس البيئة؟..طالقين لحلاقم الاعلام يزغرد ..
ها لكلام اوا نيش على الزرزور فوق السور :
 البيئية الحقيقة هي  تفتحو ملفات الفساد، فرقو الثروات على الشعب، من خلال  دعم للمواد الغذائية  الأساسية والقوت..
 فتحو مراكز البحت العلمي بتمويل قار سنويا ..
ديرو خطط مستقبلية لتشغيل الأجيال القادمة.. 
وظفوا الأموال في استثمارات بشرية اقصد خدمو الشباب العاطل بالوظائف العمومية الرفيعة..
 واش حنا ما عندنا غير مبارة الشرطة الدرك القوات المساعدة...الخ؟..
علاه مراكز المهندسين و اطر الإدارة الترابية و القضائية و ...الخ؟..
 علاه مال هادو ما ديرو  ليهم الإشهار و تشجعو ولاد الشعب و المزاليط على اقتسام الوظائف الكبرى بالدولة أسوة بأبناء علية القوم، أقصد ولاد ماما غطيني ؟.. االلللللللللللهم لا حسد ..
صافي قطعتو الواد ونشفو كراوعكم؟.. بقا لينا غير البيئة .. اويلي مع من عايشين؟ ..
ثم ملايين الدولارات لدعم مؤتمر الكوب للمناخ، وظفوها أعباد الله لشباب الجامعات و زيدوهم شويكوك فالمنحة..سولو ولد بنكيران بسلامتو، واش عندو منحة دراسية بالخارج؟ ..
وظفو تلك الملايين من الدولارات  لإصلاح هاد الخرابة ديال التعليم ..
 خدمو هاد الشباب الذي يحمل دبلومات التكوين المهني في مهن شتى،ومعاهد الفندقة ...
 فقط انتم تشجعون ولاد الدراوش غير على التكوين المهني،أوعلى وظائف عمومية عادية،و خليو لغليظة لأبناء لفشوش، هذا ولد  مدام توتي و مسيو باهبالا ...
أدوززززززززززززززززززز ... راك  ... لوزززززززززززززززززززز
اخزييييييييييييييييييت .. لا رواس لكحل يضرب قبايل طاصليت، جد طواصل ديال الميمون النايح، ديال العام لي ولدوني فيه أماراكيش..سير على الله .. حتى يعفو الله .. من هاد لبلاد ..
 إلى اللقاء

Aucun commentaire:

Enregistrer un commentaire