تغريدة كوحلالية على التويتر: علاش الصندوق عمرو ما يخوى ؟

الدولة ضربتها الميزيرية فكروا فتويشية واعرة، قياسا بما يلي:

 "الشعب عندنا هانية درويش،  يستهلك الخبز بوكو  و لخميرة كتكلخ و كترخي لعظام و المخ " وخرجو لينا "مشروع ربحو من ورائه  الملايير " وهو تغيير البطاقة الوطنية القديمة بأخرى جديدة رغم ان الملف التقني عند لابوليس  لأي مواطن لا يتغير اطلاقااااااااااا اللهم السكن، أما الاسم تاريخ الازدياد، كولشي يظل على حاله.

زعما بغاو يديرو لينا بحال فرنسا،  اوا لهييييييييييييه الشعب عندو  حقوق واجبات، و قانون يحميه وعدالة قوية مستقلة.

في المغرب  حنا واحلين واش النيابة العامة تبقى تحت إمرة الوزير الرميد ، أو تكون مستقلة ... اودي شوفو الناس فين وصلو .. ؟.

قلت في فرنسا و غيرها من أقطار أوروبا، كاينة المحاسبة، و الشعب حقو مضمون، و السياسيين يخضعون للمراقبة من طرف برلمان قوي و إعلام لوززززززززززز ...

 هنا  والوووووو زريعت الحنك، والشفاوي، و نديغ الهضرة، و التشلهيب على الشعب وصحاب الشكارة لا يفكون الخط مجلجين ،  وفيهم لي ما عندو حتى شهادة الباك، شي وزير، شي فالبرلمان بعضهم صاروا معمرين. شوفو البرلمان على اليوتوب كاين غير لغوات وفريع الراص،  شي يعض فشي: الأغلبية و المعارضة، و لا سياسي يقدم شي مشيريع ماشي حتى مشروع سياسي  يخرج بالبلاد من الأزمة، أو تنظير يمشي بالبلاد خمس سنوات يعيش فيها الشعب واخا غير شويكوك ديال الرفاهية و الديمقراطية والووووووووووووو ...

 عندك شباط نازل على بنكيران = ثنائي الطنز السياسي = مسرحية الخايبة، و بنكيران نازل علينا بلكريدي  من الخارج، و من جلدك يا لمزلوط غادي يتخلص لكردي.

  مشى بنكيران جا بنزمران  واكلين تغرادهم و تغراد لبلاد من خلال المعاشات ... و هاداك الفلاح الشبه الأمي ولد الفقيه بن صالح في حكومة بنكيران  يقول: انه إلا ما لقينا باش نخلصو أصحاب التقاعد نزيدو فالضرائب أو نقصو من الأجور ..معاشات البرلمانيين و الوزراء هادوك هانية ...

 اودي سر طاصيلت بابانا حنا نستاهلو هاد الضحك و المسخ، لي تايمرسوه علينا هاد الخزعبلات السياسية ..

المهم التويشية نجحت ديال لاكارت ناصيونال ، و الصندوق عمر وكاينين مزاليط حزقستان، فيهم  الزغبي لي ما عندو حتى باش يتصور مشى  يتسلف و يتكلف باش يعاود لاكارط  و ناس الشرطة تكفرصوووووووووووو بزافففففففففففففف و الدولة عمرت الصندوق.

 المهم عمر المغرب مايدير فايت اطلاقااااااا خصهم لفلوس يفكرو فشي تنوعيرة

 نيو = جديدة  بحال الفواتير الصاروخية ديال الما و الكهرباء ..

 التويشية الجديدة هاد المرة  ديال البيرمي = رخصة السياقة ولكن هاد المرة عيقوووووووووو  بزاااااااااااااااااف  

واههههههههههههههه أربعة مائة درهم، تخلص يا مسكين  في الخزينة العامة،  و من بعد شهر إلى خمسة و أربعون يوما تحصل على البيرمي ..

 ها هو خوا ..

 ها هو عمر الصندوق بفلوس الدراويش  أصحاب البيرمي ...

يمكن آخر اجل هو شهر سبتمبر البريمي لقديم هزو الما..

طيب يا جماعة:

 ياك الخزينة العامة هي التي تصرف ملايين شهريا لأصحاب بطائق الإنعاش بعضهم لا يقدم أي خدمة للدولة و لا للشعب ... والوووووووووووووووووو ...

هي  سياسة الريع و كاينين ناس عندهم  بطاقة الإنعاش بواسطة

"باك صاحبي" ناس ليسوا محتاجين و لي محتاج يضرب راصو مع الحيط، كولشي فهاد لبلاد فيه الوجهيات ...

كاينين شباب من الجنوب عندهم بطائق الإنعاش. علاشششششش هاد الفرزيات|؟.

 زيد الشحمة فظهر المعلوف، و وزيد الزلط  فظهر المزلوط  ..؟

أتحدى كل قطاعات الدولة ان تحرك  المجلس الأعلى للحسابات  يفتح الكناش ديال الخزينة يشوف شكون لي كايستفد من الانعاش ..؟

 عيقو علينا بزاففففففففف قهرتونا بلغلى و الوجهيات و التنوعير  ...

 و لكن اكرر دائما،  سرنا حتى حنا شريحة المزاليط خص بابانا أكثر من هادشي ، يبيعو لينا لوكسيجين و مانهضروش..

شفتو باش  غاديا لبلاد  بالتشلهيب؟ و لا أحد من الشلاهبية ديال السياسة يفكر فالشعب والووووووو مصاحلهم و بس .. وهذا مرده إلى أمرين  :

أولا:

المزاليط = حزقستان مرخيين  بحال عجينت الشفناجشي متضامن مع: مولات الصاية، شي ناعس شي تالف مع خبز وليداتو...

 ثانيا :

 السياسيين لي يهضرو علينا و يدافعو على حقنا ... مبوصين بحال مش خالتي  زهيرو  بزاف عليهم سيادهم السياسيين فأوروبا ..

هادشي علاش أنا أكره السياسة و السياسيين، و ما نصوت .. باراكا ديما نفس الاسطوانة تتكرر،  ناس قاضيين غراضهم و حنا ضاربنا شمس الزلط و الحكرة .

أمر آخر غير موجود اطلاقااااااااااااااا و هو المحاسبة =  من أين لك هذا؟.

 قانون شفتو في ليبيا فقط ، و الدول الأوروبية ...

كنموت بالضحك عندما أتابع خير يتعلق بتنافر الأحزاب مع الداخلية على الانتخابات..

وشكون باق كايصوت فهاد لبلاد أعباااااااااااااد الله ؟

إلا وصلتو سبعة عشر في المائة من المصوتين ها وجهي .. دفلو عليه ..

 السياسي عندما كا يدخل الانتخابات الجماعية مسلوت بحال عظم الفروج الأحول،   سنوات من بعد يصبح  مليونيرا راه عندنا فمراكش و عارفهم، و لكن نحن لسنا  في دولة الحق و القانون كما تروج السن  العار بإعلام الزفت و سياسيين منافقين.

  كاينين ناس فمراكش ما كان عندهم  والو،  قبل دخول الانتخابات، و الآن راهم غارقين بفلوس لحرام حتى الرجلين ...ملايين في حساباتهم البنكية ... و أتحدى الدولة تفتح كناش كل واحد أش كان عندو قبل و بعد .. وأتحدى أي سياسي يقبل بميثاق الشرف ؟

مجلس جطو غير ديكور، و العدالة في المغرب ضعيييييييييييفة، و الحكومة و البرلمان و الأحزاب ديكور ضروري  ...

 واش أنا أحسن من اسانج = ويكيليكس  عندما سرب وثيقة للسفير السعودي بالرباط يقول ان حكومة بنيكران لا تهش و لا تنش و أن حكومة الظل = القصر المسير الفعلي لأمور البلاد هاشدي كتبته  سنوااااااااااااااااات حكومة الظل =  الحكومة الفعلية بالمغرب

 يتبع  إلى اللقاء إليكم رابط متعلق بالموضوع:

http://marrakehchtimes.blogspot.com/2015/07/blog-post_27.html

""

ننشر ما لا يقدر الآخرون على نشره، نبث ما لا يستطيع الآخرون بثه ننبذ الظلم و نعيد الحق للمقهور، وهذا هو هدف رسالتنا، نحن مظلة لمن احرقه حر الظلم.

 مهما كنا "مثاليين" سنجد حتما من يكرهنا حتى الملائكة تكرهها الشياطين

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش

khllmed80@gmail.com