مراكش : موجه إلى عناية السيد والي الأمن من احد اللطفاء بحي القنارية ..

 إشارة معناها أنني كثرت عليك نعامس .. اوا سامحني الله يزازيك بخير. أش بيت ندير راه الناس كايعيطو ليا غير للمشاكل؟؟ .. ماكين لي عيط ليا لشي فيشطة = فرح ختانة خطوبة ، واخا غير لشي عشا ديال لعزا.. وااالووو..غير يبان شي أرواس كحل فمراكش، كايبان ليهم غير كوحلال كحل ليام..

سنظل جنود الوطن، بالقلم المعقم، والقلب النابض بالوطنية..

سير على الله .. غادي يفرج الله..  

سيادي و القنارية هادي .. السياح مقهورين، والتجار مكفرصين مع لصوص  لبزاطم ..

أتبارك الله على سي العلوة والي الأمن الظرافات، بعد هذه المقدمة اللوز التي تستحقها احتراما لشخصك الكريم نعامس، ولباقي السادة العاملين بولاية الأمن مشكورين. ونخص بالذكر لا الحصر: الأفاضل بمصلحة الشرطة القضائية الولائية

 صباح اليوم بحي القنارية أبلغني أحد التجار عما يجري من عنتريات اللصوص وجاه الويل، ولهم سوابق ومعروفين عند العامة بالحي المذكور. حيث ينشلون السياح الأجانب، وقت الازدحام وما يساعد على هذا 

" التشلفيط " لي دايرينو هاد رباعات حلالف الغيس مفرد حلوف الغيس".. وجود حركة مرور كثيفة للدراجات  النارية.. عقول متخلفة، لا يحترمون القانون  رغم وجود " بلاكة المنع " عند مدخل القنارية في اتجاه قصر الباهية..  كولشي كايجري ولا يحترمون المارة ولا السياح. ويشهد على الله أني حضرت ذات يوم  لسائحة ضربها واحد حلوف الغيس بالموطور، وصبرت الزغبية و كمدت عظامها  وسرحت مع الطريق.. لأن السياح لا يريدون بروبليم أي مشاكل، ولكن كاينين ناس يتدخلون، ويقدمون المساعدة ويؤنبون وجاه الويل الفوضويين. 

بين مزودجتين :

"  عجبتني بزااف الحملة لي دايرين ضباط مصلحة المرور.. عمل جيد جدا .."

طيب جميل .. نكمل المقالة :

 قلت : المشكل أسي البريفي الله يفتح عليك، هو لابد من شي حملة تمشيطية لممر القنارية نعامس، هاديك هي نقطة سوداء أو بتعبير أصح. " نقطة كحلة على وزن زحلة " حتى لعند المنطقة الإدارية الباهية.  أما فرقة الشرطة السياحية فمتواجدة باستمرار أمام  قصر الباهية متلفينهم شي براهش مرة يخرجو ليهم  من الملاح، مرة من القنارية، و يمارسون الإرشاد السياحي بلا كواغط ، بل اكثر من هذا يضايقون السياح. وفي حالة الساءح رفض خدمة المرشد المزور، يقومون بشتمهم بكل اللغات، وهذه ليست من عادات أهل مراكش، ولكن هاذ لبراهش لازمهم باقة من التصرفيق، مشكلة بباقة من الفلقة بمقر الشرطة السياحية .. ماكين لا حقوق الإنسان لا حقوق البرقوق..السياحة مصدر رزق الناس، والعمود الفقري لاقتصاد المدينة ..الخ. 

المهم هادوك الضباط نعامس خدامين سربيسهم .. لوزززز .. عند الباهية.. وما فيها  باس يزيدو يزعمو شوية عند السوق، وتحديدا عند  ممر القنارية فين كاين القوس و بلاكة المنع، حتى الباهية.. هذاك الممر يقع فيه التشلفيط ديال الشفارة وجاه النحس. ماكاين باس يتعاون فيما بينهم ضباط الفرقة السياحية، ويفرقو السربيس بينهم، شي عند الباهية و شي فالسوق، من باب الإنصاف أن الضغط كبير والموارد البشرية قليلة.

 المهم من بين وجوه الزفت كاين واحد "جحموم" خريج سجون بسبب السرقة، راه معروف هذا رقم واحد من بين الشفارة لي موجودين بالقنارية. بالأمارة الليلة  لي سرق رياض مع 2 بغال آخرين. مات الأجنبي مول الرياض موتة طبيعية .. والرواية لاصيان = قديمة .. ولكن فقط أقدم لكم توضيح أكثر ليس الا.. كاين شفار آخر يتظاهر انه مصرفق أي مسوطي " مجنون " وهو ليس كذلك " بن عي .. " ..الخ. ولكن الطريقة الجديدة اسي البريفي، ان هاذ اللصوص صاروا  يعتمدون على  استقطاب شفارة غرباء، ويوفرون لهم الشفارة المحليين التغطية، حتى إلا كمشوه البوليس، يكون الشفار المحلي  بعيد عن الشبهات ..الخ.

 خاتمة الله يرزقننا و إياكم حسن الختام نعامس :

 بعض المواطنين جزاهم الله خيرا، يحذرون السياح كلما اقترب منهم شفار سواء محلي أو مستورد " أي " شفار جاي من حي أخر " .. اوا هادشي لي عطا الله نعامس.. أتمنى أن يؤخذ طلبنا هذا عنايتكم والسلام عليكم تويشية كوحلالية .. يتبع