Monday, July 1, 2019

لماذا كل هذا الغط ضد مهراجان تدلي ؟؟

مدير مهرجان تدلي السيد محمد المغاري 
#إقليم_الحوز لماذا كل هذا اللغط ضد #مهرجان_تدلي؟!؟!

خليو الناس ينشطو شوية. المنطقة قروية ليس هناك متنفس كما هو الشأن في المدينة.. مراكش كلها منتزهات و حدائق كل ليلة تجد عرمرم من النسوة رفقة عيالهن بالحداءق.. اما فالعالم القروي فالنسوة و الشباب فين يمشيو لجبل؟!؟!..راه طلع ليهم فالراص..بينما فمراكش ها جامع الفناء المنارة بارك مولاي عبد السلام شارع #محمد_السادس متنزه الأميرة لالة مربم#مينارا_مول..الخ.
واااه اش هاء الحكرة؟!؟!.. مالكم معقدين متفرحو ما تخليو الناس تفرح.. وجاه القرح.. ما بغاو فرح.. إوا المناضل فيكم يمشي يدير اعتصام امام #موازين ..و لكنم لا تقدرون لانكم ببساطة حكارة.. #تامغرا او العرس هو مناسبة تلتقي فيه كل الدواوير يلهو الصغار و تزغرد الأمهات.. و الفرحة ترفرف في القلوب و تكسر الروتين..الله يرحمك امي فطومة كلما كان هناك احواش الا و قامت بالمستحيل لحضور تلك الاحتفالات الامازيغية قياسا بنسبها لمنطقة #اولوز.. مالكم اعباد الله .. على هاد لفهامة الزائدة.. اش هاذ منطق #الكيكس_الحامض؟!؟!..اودي ما جيتوش فالوقت الخايبة المخير فيكم دار لفمو لقطن و الكارتون.. #ابشاااخخ ..
تجهلون ايها الغافلون ان مثل هذه المهرجانات تكون مثل سوق تجاري كبير..
Une grande surface
تحضر فيه كل المنتجات المحلية للتعريف بها و ترويجها إقليميا و وطنيا.. بفضل #مهراجان_الحوز ناس وصلوا منتحاتهم الى اوروبا .. ثم مفكرتوس فالتجار الصغار المتجولون حتى هوما يستفدو و تروج الحركة الاقتصادية.. وصناع التقليديين المشاركين فالمعرض.. و الناس جابين من دواوير بعيدة نسوة و ذكور املهم يبيعو منتجاتهم المحلية.. ناهيك عن الزوار الوافدين من خارج #تدلي_مسفيوة و حتى الاقليم .. ناس مراكش و #الدار_البيضاء حيث اندهش الزوار بيضاوة المشاركين فالسباق عبر المسالك الجبلية من جمال طبيعة تدلي .. كولشي غادي يتحرك انشاء الله..حتى ارباب المقاهي و المحلات و الشباب العاطل غادي يدبر على الصرف يجيبو #تويشيات من #آيت_اورير ويبيعوها.. هكذا يفكر. المفكرون و العقلاء و الخبراء في مجال التسويق #الماركوتينك..الخ. المهرجان فضاء للتعريف بالمنتجات المحلية و جلب السياح عربا و عجما يدوزو النهار فتدلي و يباتو فمراكش..حتى الداكسيات = الطاكسيات و #النقل _المزدوج كولشي مدور الصرف..و الحركة لوز #احنيني..
#اخزيت على عقلية #شلاظة_بمادلين.. #كوليني يا سمكة و هنبني من هاد بوكلوخ... بكل تاكيد ان كل زائر من مراكش او غيرها من المدن الكبرى الذي سيحظر و نحن في فصل الراحة و السياحة لابد ياخذ شي #تويشية او #تويشيات تقليدية كذكرى..اوا علاش يا و جاه الزلط و النحس تحرمو هاداك الصانع "ة" من تدلي من هاداك الرزق الحلال؟!؟!..#بففف...المهم تحية لإدارة المهرجان .. كولشي ينشط الفرق الفنية الصناع و الصانعات تقليديين تجار صغار محلات طاكسيات.. الخ..#اعطيه_العصير فكاس كبير ..
مالكم واش مزيودين فشي عزا ؟!؟!..
ملاحظة مهمة للغاية #اعزيزي :
بكل تاكيد ان ضيوف #كرنفال_تدلي سوف ينقلون المهرجان عن طريق الايف..ها هو اشهار بالمجان للمنطقة .. و مغناطيس سيجر مسثتمربن في مجال السياحة. بحال شكل #ويركان كل اصحابي هناك خدامين فالمطاعم و الفنادق الله يسر لهم .. ولاد الرضا.. #لوز و خليني ندوز لمهرجان تدلي.. ها النشاط ها هو شاط... واااه واه.. سيادي و تدلي هاذي .
#تدلي يا جوهرة حكروك لمحسادة.. سيرو حيحو على #موازين لي تخسرت فيه ملايير. اما مهرجان تدلي فقط مساهمين.. كما كان الشأن عليه في #مهرجان_الحوز في نسخته الأولى ايام سي البطحاوي صديقي العزيز عامل الاقليم آنذاك .. فانا من اقترح عليه فكرة #كرنفال_الحوز و قبل بالفكرة و خلال النسخة 2خصرت فرق من دولتين افريقيتين. وكل المحلات و المقاهي #تحناوت تحركو بالجهد وجاو تجار صغار من مراكش و الناس صور لفلوس بالجهد اللهم لا حسد.. و الزوار جاو من مدن اخرى.. وفيهم اجانب جاو من مراكس..
سيرو الله يعفو عليكم من هذا الفكر الضيق و الثقافة السلبية.. خليو الناس تمعش و حتى الفرق الفنية تعرف اكثر و يجيب ليهم الله حتى هوما خديمات في مناطق اخرى يصورو رزقهم .. أوفففف.. و الذي نفسي بيده ان بعض #قشيوشات_عاشور الذين هاجموني خلال الإعداد لمهرجان الحوز النسخة 1 كانوا في الصفوف الاولى و بعضهم طاب حضور فنان امازيغي و نجم كبير لم يكن اسمه مدرج على اللائحة و تمت دعوة الفنان من باب تصفية الخواطر . إوا عوض الحيحة لي دارو فالفيس قلبوها نشاط #افوس أفوس... حيحو و رفعو الاعلام الأمازيغية و تركتهم السلطة على خاطرهم .. رغم ان الفنان كملت الحصة ديالو على الخشبة. و بطلب من هادوك لي رافضين المهرجان زاد تقريبا 15دقيقة على الوقت المخصص له..
اللهم الوباء و لا الغباء إلى اللقاء ..
ذ محمد كوحلال كاتب مدون ناشط حقوقي مستقل

No comments:

Post a Comment