Tuesday, November 29, 2016

مراكش ج 2: إلى السيد والي الجهة شكاية الدراويش الشريفية تسلطانت:وليدات الشعب ضايعين في حقهم الدستوري في التعليم

باقة من الصور خاص "مدرسة دوار بن كاوي الشريفية تسلطانت"
عدسة: عبد الله الله يعفو علينا
دابا أسي الوالي عبد الفتاح الله يفتح عليك، و يخلف عليك، أنا دابا مسالي و حمق و مصرفق و مسطي و هبيل وهارب ليا ريزو ...الخ.
 نضيع جهدي و نكتب بأعصابي مع باقة من الشعور والأحاسيس الفياضة... التي أتوفر عليها بحكم أنني اكتب  وأدون ..
أبشاخ على شعوري فوق موتوري..
 نزيد  نخلص النفولة ديال الضو، باش خدام هاد المشقوف = البيسي.
 كانخلص نفولة ديال الانترنيت. ولا أتقاضى آجرا لأنني أخاف الله،وعذاب الضمير ..

واك واك ها لوزززززززززززز ديال الحوز و أولوز ..
 همي الوطن و الصالح العام، هي أمور مقدسة بور موا = بالنسبة لي ..
أنا ماشي مسئول أو منتخب .. فقط الغيرة و ما سلف ذكره اعلاه، يجعني اكتب و أدون بدون اجر و الأجر عند الله.ولكن نتوما ماحاضرينش معنا،لا منتخبين ولا مسئولين.
زعما ها سواك اسي كوحلال: مشي و زيدك النخال ..
أمممممممممممممم ... زعما أنا كنكتب في دولة الوقواق الشقيقة ..
 زعما كل خطابات الملك فقط موجهة لنا نحن معشر المزاليط الدراويش. حتى الحقوقيين و الإعلاميين لي مفروض فيهم يتعاونو معنا،الأغلبية الساحقة باعو الماتش، إلا من اخذ الله بيده.
 انا واقع ليا بحال الحمقة فالعرس، الناس كعدو يتعشاو، هي عاد بدات الشطح و التزغرت ..
  أنا  دابا مالي على هاد القوق نازل ليا على قلقولت راصي ؟..
بوركوا هاد فريع الراص، وبركوكش المحكوك؟..
ها لكلام  اللوز أحنيني .. نقابل فقط هوايتي في الكتابة في مجال التحليل السياسي،وتويشيات كوحلالية،مرفقة مع شويكوك ديال المشخرة، وهذا طلب عدد من القراء، و دوز الساعة ..
 اخزييييييييييييييت..اتفووووووووو ..على سعد و ميمون، كوحلال كحل ليام، و زادو ولدوني يوم فاتح ماي .. أبشااااااااااااخخ  .. كوليني .. يا سمكة ..
اسي الوالي ها لوسوجي = الموضوع، بان ليك نعامس ما دير، ديرو في سبيل الله. ما بان ليك. شغلك هاداك ..والله لا باقي كتبت شي حاجة،تغرق لبلاد، تشتت ماشي شغلي، أنا ماشي منتخب أو ريصبونصابل = مسؤول.
وااااااه..أنا نتعذب من اجل نشر مشاكل الناس، وهاد المسؤولين و المنتخبين ما مسوقينش.اوا صافي نمشي نوض جدة، من الروضة ديال جودي = لخميس تشد المسؤولية. أوووووووووف.
واش بيتوني نجي الولاية، نجدب عليكم،ونلوح فحوايجي و كنانشي" جمع كناش" ؟
يا ربي عطيني شي جايحة تغبرني ..
 أوهووووو.. بلاش ما جايني والو لعواشر هادي .. أعطييييييييه العصييييييييييير 
الله يرضى عليك يا كوحلال يا بن الحلال يا ولدي،أرى هاداك الراص نبوسو.
أشنو .. سير اخويا بوس حيط الكتبية ..
سير على  الله  .. حتى يفرج الله 











No comments:

Post a Comment