lundi 20 juin 2016

المغرب و البيروقراطية المتخلفة شهادة السكنى نموذجا دائرة قشيش مراكش المدينة

وصلنا يوم أمس شكاية من صديق يشتكي من عكوسات = عراقيل و صداع الراص بخصوص شهادة السكنى بسبب الهوس، و القلق الذي ينتاب الأمن بخصوص معرفة عنوان كل مغربي من خلال شهادة السكنى التي صار لها الشأن و حتى صارت الوثيقة  تتنقل بين مكاتب الشرطة...
مرارا سمعت هاد المشاكل ديال شهادة السكنى من الدراويش الذين لا يتوفرون على سكن قار...
 مكتري يطلب منه عقد الكراء، ثم التزام  من صاحب الملك خطي يؤكد ان فلان يسكن عنده، و من تم يحصل على شهادة السكنى من دائرة الشرطة...
 أبشاخخخخخخخخخخخخخخ ... اوا هادي فيزا شينكن، و لا الميريكان ...
 أمر حصل بدائرة قشيش للشرطة ... مواطن جاب شهادة السنكى من عند المقدم، و طلب  منه البوليس عقد الكراء واحضره، ثم طلبوا منه التزام من صاحب الملك يقر ان علان يسكن عنده...
اوا بزاااااااااااااااااف ... و الله العظيم إلا كثرتو على عباد الله ...
 اوا مول الدار مسافر لشي جايحة..او تهرست ليه المدام..او ماتت ليه النسيبة.. مشغول، او ربما يقضي عطلة في بوغمغام = الحبس .. نعطلوا مصلحة المواطن..؟..الذي هو في أمس الحاجة للبطاقة الوطنية، ربما لانه بغا يصوب الباسبور يخوي هاد بلاد النحس، و بلاد الهم و المشاكل ...حقيقة كما قال الدرويش : لي ما عندو دار ما عندو وطن، و على لسانه أش عطانا هاد الوطن، بناقص من هاديك لاكاراط كاع ؟.. بكل تأكيد هو الحق بعينيه.. نحن لنا نفس الوضعية ما علاقتنا بهاد الوطن مادمنا لا نتوفر حتى على قبر الدنيا فيه... طز في الوطن ..؟.. إن لم ننتفض ضد الفساد و البيروقراطية، سنغادر الوطن، و هناك بالمهجر سوف نفضح المستور أكثر فأكثر..الحقيقة ان السلطة من خلال تلك الوثيقة شهادة السكنى، ستتمكن من معرفة كل قندوح فين ساكن...هذا ليس صحيحا دائما، لان الكاري الدرويش الحزقستاني كل مرة فين غادي يسكن، نهار تبغيو هداك المواطن لغرض ما ، تمشي تلقوه رحل اشنو غادي ديرو؟ .. يا الناس الواعرين القافزين ..
 ثم واش كولشي عندو هاتف ذكي حتى يمكن ان تتعقبو جميع المواطنين؟ طبعا كلا ..والحالة هذه لازمكم  تسيفطو مول الدار لي كتب التزام يمشي يقلب على المواطن الذي تبحثون عنه؟ .. هذا راه لحماق و خرجان لعقل نفس ... تخطيطكم صفر على مليون صفر ..
أمر الترحال  ينطبق أيضا على الدراويش شريحة حزقستان  لي كا يرهنو عام هنا عام لهيه،  البطاقة راه عندو فجيبو يصعب على الشرطة الحصول على هذا النوع من الدراويش ..  اقصد الكاري و الراهن .. بمعنى هاد البيروقراطية راه خاطئة، 0/000000000000000000  سهلوا الأمور مع الناس، راه طالع ليهم الكعص تزيدهم بهاد صداع الراص ديال شهادة السكنى.
 سير جيب الكونطرا باش كاري، او راهن، سير جيب التزام من عند مول الدار .. اوا خصكم تطلبو شهادة الحياة باش تعرفو واش عايش و لا غير واقف على رجليه و النفس طالعة هابطة..
 راه كاين لي ما عنو حتى لكونطرا ديال  الكراء، ساكن في كراء قديم، اشنو زعما ما عندوش الحق  فلاكارط؟،وخصوصا لكان مول الملك علق = مات  وهناك فيلق من الورثة، شكون فيهم يا ترى  لي غادي يدير التزام، أن كريط ساكن فهاذ العنوان؟ ...
كما نقول دائما: من يخططون و يحكمون هم ناس في برج عالي، ماعرفينش الشعب كيفاش عايش ؟... بمعنى راكم غير كا تخربقو .. و السلام عليكم ..

Aucun commentaire:

Enregistrer un commentaire