jeudi 5 mai 2016

إقليم الحوز: فشل دريع لعامل الإقليم في أول امتحان

 تويشية كوحلالية حوزية 
جائحة الفيضان التي حصلت العام الماضي، نفسها وقعت خلال الساعات القليلة الماضية، لكن و الحمد لله بخسائر أقل بكثير، وهذا نذكره من باب الإنصاف.و تم تشكيل خلية لمتابعة الكارثة الطبيعية،وخلية أخرى تستقبل مراسلات المجتمع المدني والمواطنين، وكانت عمالة الحوز تشتغل ليل نهار و حولت خليتها من تحناوت إلى باشوية ايت اورير، هادشي العام الماضي أمسيو التويمي، وكان العمل مكثفا بين السلطة و بعض ماشي كولشي المنتخبين وشباب المجتمع المدني والدراويش  المتطوعين لانقاد حياة النفوس الدراويش. وسبق أن تكلمت عن "قايد البوط نموذجا" بإحدى الجماعات ببلدية ايت اورير، والذي وضع البوط وساعد الشباب والمخازنية و رجال الدرك، والإخوة من مصلحة الإنقاذ الوطني " الوقاية المدنية" وتم انقاد دوار بأكمله من هيجان و عصبية واد الزات. حينها كان مسؤول كبير على رأس العمالة سيمتو مسيو البطحوي.
  كانت عمالة الحوز نايضة  تحت بنض عريض حالة الطوارئ 24/24 حتى لا يضيع أي درويش من ولاد الشعب.وكان مسيو البطحوي يرتدي بذلة عسكرية لقوات المظليين التابعة لسلاح الجو الملكي،و كان يزور و يطوف كل القرى المتضررة رفقة مساعديه،يسمع و ينصت لهموم الناس ويظل رفقة مساعديه في بعض الأحيان حتى الثانية صباحا لمتابعة الأوضاع .. وكنت اتصل به بعد منتصف الليل، مرة فالواحدة مرة فالجوج، لإبلاغه بأخبار زفت، كانت مكالمتي ورسائلي من ورائها غير الجائحات والكوارث،عمرك يا كوحلال يا وجه الويل، ما جبت ليه شي خبر زين غير المصائب ..
تعاونت معاه لأنه كان رجل له قلب إنسان،وغيرة وحب للإقليم و دراويشه، وبعد مغادرته للإقليم قررت عدم الاهتمام بالإقليم لان مشاكل الحوز عمرها ماتسالي تقهرت اعباد الله شهموني و ضرتني قلقولت راصي " المخ" وتحلو ليا عظامي. لكن تحت ضغط متكرر لمسيو البطحوي أن لا اترك المجال فارغا و أظل إلى جانب الدراويش، بمعنى أوضح،لا يجب أن أترك الساحة  لأصحاب الصباغة، ولكن أنا اوكوبي = مشغول مع اليمن سوريا ولكن مرة مرة غادي نطل.
 شوفو الناس الزينين واخا مشا السي البطحوي من الحوز باقي كايوصي عليهم لأنه عارف شكون لي وصى،لي عندو قلب على الدراويش،وقلم لا يخشى لومت لائم،ويخاف رب العالمين، ما نبيعو مانشريو ما نخافو ما نترعدو و لي بغا الدنيا الله يطليه بيها .. 
هاذ الليلة جاني اتصال من اوريكة، راه الواد، ولد الهام دار غزاوة فعباد الله ...
 اوا ماكاين لامساعدات غذائية، لا أغطية، لا زيت لا سكر لا قهوة لا ...الخ بحال هذاك العام، ولا لجنة صحية تشوف شكون لي معطوب،ويشوفوا كبار السن...الخ..
 أودي فين ايامك اسي البطحوي ؟.. داكشي كثيرررررر ... راجع أمسيو العامل الله يخلف عليك، أرشيف مدونة الدراويش.. مراكش تايمز ..
 السي كوحلال ما معاه مزاح، لي كاينة كاينة، ولي ماكاينة عمرها باباه ما تكون. لاننا ننطلق من الضمير و الغيرة على الوطن و دراويشه، ولا يهمنا احد مهما كانت رتبته، اللهم الوطن و الدراويش..هادا راه الحوز نعامس ماشي تمارة ..
ماشي غير الفيضان مازال مشاكل الدواوير، هذا دوار هجم على دوار، هذا مشكل الما تقطع، هاذي طريق بغينها تطلع الجبل ...مشاكل بوكو بوكو ... دون الحديث عن الوقفات الاحتجاجية المسخرة من أطراف، ومنها وقفات لا دخل للسلطة لها من حيث الاختصاص،لأن العامة يثقون في السلطة وليس في جل المنتخبين..راه سنوات طويلة أنا عارف قلب و جوف الحوز منذ 2002 ..هاد العام ما سمعنا والووووووو..واخا غير  شي تويشية دارها مسيو العامل، إلا بيتي تزور الضحايا و المفجوعين و المخلوعين من غضب الواد و هيجانه اسي العامل،وتواسيهم زرهم الله يرضي عليك  ليلا، شوف الحالة فين عايشين وخصوصا الناس لي مهددة بيوتهم  الترابية، بالسقوط، أو التي سقطت أما فالنهار فلا داعي ؟؟.أنا متبع كوارث اوريكة عبر خلاني هناك، والسي العامل ما دار حتى شي خطوة كما فعل سلفه السي البطحوي...
حقيقة لا يمكن اطلاقاااااااااااااااااااااا أن يتم تعويض السي البطحوي او السي المتوكل، بآي شخص آخر اطلاقاااااااااااااااااا.... جوج الناس دازو فالحوز، عمرهم ما يتعوضوا بتاتااااااااا
 إنني كنت مثريتا و أتابع بقلق كبير ما يجري، خلال الساعات الماضية،ولم ارغب في النشر من باب عدم بث اليأس آو عمه القلق أو التشويش على مجهودات العامل، و لكن أنا مابان ليا حتى شي مجهودات، والآمر أكده لي المتصل الليلة..راه ماشي أسلوبي أنني نوض عباد الله يغوتو أمام العمالة، كلا و آلف كلا .. ولو أنه أمر أيسر من يسير..أن أحرض الناس على الفتنة، فانا أكثرهم خوفا و دفاعا عن امن البلاد و العباد ..
لا ننكر ان القوات المساعدة و الدرك و رجال السلطة خدامين،ولكن مفروض يكون عامل الإقليم في الصورة متابع حاضر. لان  الصور لي وصلتني من أوريكة، لم أشأ نشرها من باب فسح المجال للعامل يخدم،لأن اوريكة أصابها ضرر كبير ..
اوا أنا زعما سكت حتى لا يؤل "بضم الياء" كلامي في غير موضعه، و لكن راه بزاففففففففف العامل راه مادار والووووووووو ... أعباد الله ..و الواد راه غادي يقتل عباد الله فاوريكة .. داك العام مسيو البطحوي نشف و عرق، باش يحصل على مروحيات لتوزيع المساعدات على الدروايش بسفوح الأطلس" تغدوين نموذجا"من جراء جائحة الفيضانات. اوا هاد العام والووووووووو.. ثم ان الخلية التي كانت تسهر على إغاثة عباد الله، كانت من بين أولويتها متابعة أحوال الطقس، ناس لوززززززززززز كانوا مستعدين تمام الاستعداد لأي طارئ 
اويلي .. اويلي .. غدايدي .. و محايني .. كن وقع ربع داكشي لي وقع داك العام الله يحد الباس، كون راه ماتوا لينا الدراوش مساكن.
أكرر و لاباس في التكرار يا جماعة، فين أيامك اسي البطحوي،و الظرافات مسيو المتوكل ...
أنا ما عندي ما نخسر بحال قاع الدار بحال بوغمغام " الحبس" أنا مناضل والدرويش ما تفرقني معاه غير الموت، وعاش الوطن و العرش = اساس الاسقرار بالبلاد..
 اوا مسيو العامل رد البال الله يفتح عليك لدراوش الحوز، و خليني أنا مقابل هاد النم ديال اليمن و سوريا .. راه ما بيت نتحزم حتى لا يقال أنني موجه من طرف أو أطراف،وعمرها هاذي ما تكون و لا غادي تكون فقاموسي، ان شي مخلوق يتحكم في قلمي ..
لا حول و لا قوة إلا بالله .. سير على الله .. حتى يسهل الله ..

Aucun commentaire:

Enregistrer un commentaire