مراكش مسجد العنبر المسيرة 3: فضيحة كحلة على وزن زحلة هاهي مساجد التوفيق بدون كهرباء. اللهم إن هذا منكر في دولة أمير المؤمنين

مسجد العنبر المسيرة3  وقع شي مشكل تقني في الكهرباء، صلينا المغرب في الظلام، و المسجد به جموع غفيرة ما شاء الله من المصلين، مما ترتب عنه حرارة مفرطة لا تطاق. نصلي والعرق يتصبب منا، لان الفرفارات معطلة بسبب العطل كهربائي الزفت، غي سلمنا و أنا نفرتح ، خصني شركة الورق = مناشق ورقية = كلينكس نمسح هاداك العرق الكثير الذي يغطي بدني، كون غير داور لينا شي حبل النشير نشرو فيه شراوطنا راه  فزكو  أعباد الله ..

عجبنييييييييييييييي الإمام شاب صوته تبااااااااااارك الله اللهم لا حسد ..

شاب ذكي جدا سربانا في صلاة المغرب بسورة "  قل هو الله احد ... "و تبعها صورة صغيرة. خرجو الناس بسرعة من الجامع لأنه صار أكثر سخونية من طافضنا فقاع الحمام.

 باب المسجد كانت رائحة الشياط تفوح، يبدو أن هناك تماس كهرباي= كوب سيركوي  رجعنا نصليو العشاء نفس المشكل اللهم وجود سيارة لاراديما، أدينا واجبنا في نفس الظرف التي لا تطاقن الإمام سربانا الله يكتب مقام بالجنة ..

اوا ماشي عيب أعباد الله، وزارة تهطل عليها الملايير من كل حدب وصوب، من عقارات و أكرية، و  و  ومقدرش دير محرك كهربائي ينقد الناس من جحيم الحرارة ديال الله وحرارة ديال الناس داخل المسجد. 

و عبااااااااااااد الله حتى الشمع ما كاين فالجامع، كولشي هز تلفون ديالو كا يضوي به ..

 ماشي حشومة عليكم تكفرصو علينا يا ويزر الأوقاف؟

أعباد الله .. مفروض أننا في دولة  أمير المؤمنين أن المساجد تحضا بعناية كبيرة بالجهد، وتوفر فيها كل سبل الراحة حتى يؤدي المؤن واجبه الديني في افضل الظروف. ماشي الناس خارجين شي داخل فشي، شي تلف ليه صباطو مع بلغة ديال شخص اخر. لاحظت الامر عند خروج المصلين من صلاة العشاء. شحال من واحد رجع عند الباب يقلب على بلغتو او صباطو تلف ليه 

 بالتلفة لي عطاني الله، خرجت من الجامع مع العشاء زربان كنت غادي نموت بالصهد ، أشوي نجيب الربحة و نحسب طاقم أسناني في علبة ثقاب = ربيعة ديال لوقيد عثرت فواحد العتبة عند الباب، ما شفتهاش، لكون النظر عندي خمسة عشر على عشرة. 15/10

 غادي فالطريق و انا اردد مايلي :

اخزيت لقرينة الكحلة

لا حول و لا قوة إلا بالله الى اللقاء