تويشية كوحلالية: أسي مصطفى الخلفي الله يخلف عليك، سد هاديك قناة دوزيم الا قدرت "طبعا" انا عارف ان السوارت = المفاتيح ماشي في يديك راك مغلوب و الغالب الله

 بسبب ما اقترفته " قناة دوزيم " ضد المغاربة من فضيحة الصوبيصة " جنيفير لوبيز" إلى مسلسل " الخواسر تريكت الخاسرين " شوفو غير العنوان تعرفو المستوى ديال هاد البشر .. القناة " المتصهينة " تتهكم  على لغة القرءان العربية، زعما ماكاينش شي حد قدر على هاد القناة, لا بنيكران و لا وزير الاتصال؟ ..

"قناة عين الضبع"  في الدار البيضاء ، كا تكفرص على الشعب المغربي في شهر رمضان.
 لغة القرءان اعباد الله ...

شي مفردات قبيحة من قبيل:

عمروكم بتسعة بيوت لصفر

حكرو عليكم

عولنا عليك بكري

كلنا وليات = نسوة

 فالحقيقة ما لقيتو الرجال فلبلاد كون مشيتو للحبس بتهمة اهانة اللغة العربية لغة القرءان و في شهر رمضان حيث يتلو الناس بإفراط كتاب الله في كل بيوت الله التي  تزدحم بالمصلين ..

اللغة العربية  مسطرة على دستور البلاد، وعدم احترامها هو عدم احترام دستور بلادنا. و الله كون كنت وزير الداخلية حتى نصيفط باباكم  للحبس بعشر أعوام الله 
يرحم الهيبة و العز ديال المخزن مع ادريس البصري  .. 
كنت أتمنى من رئيس النيابة العامة السي الرميد يحرك المسطرة ضد القناة  بسبب هذا  المسلسل الذي يهين لغة الإسلام، لغة المغاربة المسطرة على الدستور المغربي ..

زعما كولشي عندهم مدروس فالقناة :

تخريب الهوية و الروح المغربية غير بالأدب ، من بعد غادي نشوفو في الأعوام المقبلة أعمال عفونية  حامضة في شهر رمضان، إلا بقا لعمر، سهرات  العرى و التكواز في عز شهر رمضان، في نظري يجب إغلاق هذه القناة هذا هو الحل، عطا الله القنوات المغربية.

أنا الله يعطيني لعمى إلا شفت شي قناة مغربية هاد رمضان.
هاداك المقطع من المسلسل الزفت على اليوتوب، ارسله لي صديق فيسبوكي من الدار لبيضاء 

اودي الصراحة الخوت لبلاد سابت بزااااااااااااااااف .
 سير على الله..