تويشية كوحلابة : شوف بعينيك ، وكل خبز و سكت.. و لاهضرت على الحق انت خايب ماتسوى ما تصلح خصك الفلقة

في انتظار جلالة الملك أن يضرب بقوة التسيب الذي مارسه الوالي بيكرات و العمدة المنصوري، من خلال استغلال ارض أمام السور التاريخي باب غمات بحي سيدي يوسف بن علي : 

المسى دار البارود  لبناء مشروع اقتصادي بالملايين لفائدة شقيق العمدة .

المغرب صار ضيعة لمثل هؤلاء، منتخبين و رجال سلطة ، أتساءل واش حقا نحن في دولة الحق والقانون و العهد الجديد، سؤال موجه إلى المحيط الملكي؟ ..

أمام سور اكدال هناك مشروع هام عبارة عن منتزه رياضي مشروع جميل اجتماعي نبيل انساني تربوي سوف يخدم الشباب ويوفر لهم فضاء صحي  بيئي و رياضي، أما بناء مشروع يعود بالملايين على شخص لأنه لوفرير ديال العمدة امر مرفوض ..

يوم الجمعة صباحا زرت المكان و بدا لي ان الأشغال سارية  على قدم وساق و الناس علاو البناية ، علمان ان هناك قانون يمنع أي بناية تحجب الرؤية عن السور ، و خلف سور باب غمات ، إلا شي درويش  زاد غير نافذة ينزلو عليه، هذا القانون ، طيعا راه قانون ماشي كانون = مطبخ و لكن القانون راه غير على المزاليط = حزفستان ..

قلت يمنع تشييد أي بناية يفوق علوها  السور، مراكش ما فيها أكثر من خمس طوابق R+5حتى تظهر جبال الأطلس بثلوجها ..

 الطابق الأول راه خدامين فيه، اوا كملو ستة طوابق، هانية ماكاينش فالمراكشيين لي غادي يحرك حتى يديه يغوت، هانية على وزن زاااااااااكية ...

حقيقة حزب السي الهمة عطا نموذج " لوززززز حول الحكامة الجيدة و حسن التدبير و الدفاع عن مصالح  الناس".

آخر تويشية كوحلالية:

أودي أنا اكبر سطل بشمال إفريقيا، من بعد انتبهت لواحد تويشية وقعت، نها تحرير الملك العمومي بباب غمات ، كنت حاضرا رفقة مصور صحفي منعو التصوير هادي بعدا
جي با كومبري = مافهمتش .. و جراو على عباد الله بالقوة ، و قطعو رزقهم و كان الجرافات كثيرة و المخزن كثير داكشي بوكو بوكو  على تحرير الملك العمومي،  وا طرني القضية فيها مشروع لوفرير ديال العمدة، 
أبشاااااااااااخ
كوليني يا سمكة 
أمممممممممممممممممم 
هادشي علاش دركو و زربو على عباد الله الدراويش  و ريبو ليهم

النوالات = مفرد نوالة شي داير البيصارة، شي دايرة لمسمن معيشة جيش من الدراري.

اودي هاد الناس ما قدرعليهم غير لي خلقهم، و لكن تأكدوا إن الله فوق الجميع، و إن الله يمهل ولا يهمل ..

لحساب لهيه أما هنا فايت، راه حنا غير مخيمين، وسعداتك يا فاعل الخير، ما ينفعك لا وزير و لا امير ولا منصب و لا سيدي زكري، أنت و أعمالك يوم الحشر..

إن الله يحب المسلم القوي الشهم و لا يحب المسلم الضعيف الجبان ...الخ.

اوروفوار