تويشية كوحلالية الى مسيو الوالي كمل شغلك و عطيهم النخال وزيدهم مشي هو سواهم

أنا شخصيا عارف لعجب و خوه العجائب أش جاري فمراكش، وعندي مزيودة عامرة،و لكن ليس كل ما يعرف يقال أو ينشر؟. لا اقصد بحديثي هذا الوالي ، نوووووو = لا

حياة الناس الشخصية لا تهمني، كول واحد بينو و بين لي خالقو، صافي بان ليكم غير الوالي طززززززززززززز هاي هاي ...أمراكش أسيدي ...

سيرو قلبو على لي كان حارس الدراجات زنديق مزلوط حباس = خريج سجون صار ملياردير، وآخر كراب = بائع الخمور بالسوق السوداء + الخردة صار ملياردير، وعندو اقامات مفروشة، آخر بلومبي صار ملياردير ، وآخر موظف كحيان جا  من تحناوت، و كان ساكن في بيت مع الجيران فحي القصبة و ماضرب حسبة حتى ولا ملياردير، بنى مدرسة خصوصية  على راض ليست ملكا له ودارو الملايير ....الخ. 
 مراكش فرنك الجاوي تبخرووووووووووووووووو ..

 الوالي بالنسبة لي مسئول، أنا وغيري من شرفاء ولاد البهجة  رادين ليه الولهة، لي درها مزيانة نصفق لها، ولي كانت خايبة نبهوه ليها..

 هادشي لي علمونا و قراونا في بلاد النصاري، وهاد لاسومين أنا جاي عند الوالي من اجل شكاية خاصة بدراويش من ساكنة  ملحقة حي الإنارة ....

ولكن و الله .. ثم و الله ..  بلاتي نزيد وحدة و اللههه... يا ميمتو شي حد يحبسني عند الباب، يا حتى نديرليكم شي جورني = نهار.

اوا ما شكماني فيكم، الوالي عندو شي شويكوك ديال الوقت، نشوفو لأجل خمسة مينوت فقط نشرح ليه مشكل ديال الدراويش، ونمشي لشغلي كان اوكيبي ناخذ رانديفو سي تو = صافي ..

مدخل الموضوع:

بان ليا و الله اعلم ان الناس كثرو على الوالي بالتضامن خلال الأسبوع الماضي، اتصل بيا صديق، رئيس جمعية مهنية بساحة جامع الفنا، يرغب في نشر بيان لجمعيته تضامنا أفيك لو والي فرفضت لان هاد التضامن راه كثر بزاااااااااااف ..  بوكو  واهههههههههههههه ...

حتى الناس لي ما فراصهم أصبحوا على علم، أنا واحد منهم لم أكن اعلم، و لولى صديق مصور صحفي اخبرني أنا مشيت مكفح ..

 ولكن لي خلاني بقيت غير كندور فعيني أن هناك حزب حتى هو تضامن... أبشاخخخخخخخخ

تبعو بعض  الإخوة المغاربة بالمهجر ... أردخخخخخخخخخخخ ...

 بدون ذكر المئات من الجمعيات فمراكش ..

اوا أسيدي الله يداومها محبة، و الصواب مراكشي زاكييييييييييي بالجهد ... 

اوا زعما وزارة الداخلية غادي تاخذ بعين الاعتبار كل هاذ الكم الكبير من التضامن الذي لم يحصل في تاريخ المغرب ما بعد الاستقلال ... اقصد هذا التضامن مع شخصية عمومية...

هاد التضامن ماشفناه مع ضحايا فاجعة طانطان ولا وارزازت و لا .. ولا ... و لهلا ..

صي بيزار = غريب ، هادشي بوكو على لقياس ... ثم ان الأمر = " عرام ديال التضامن "  لن يؤثر على القضاء هذا من جهة، و من جهة أخرى، يبقى لوزارة الداخلية الكلمة الأخيرة، لان رفع القضية يستوجب إذن من الداخلية؟. حتى ولو حصلتم على اذن من الوزارة، فربما قد يضعون اسمك في الائحة السوداء .. و الله اعلم ... راه ماكاينة ثقة في وزارة الداخلية ...

سحب القضية راه مازال الوقت نعامس ... نصيحة لوجه الله ... لانه لي غادي يضرك ماشي 

لارتيكل = المقال ... أوهووووووووووووو ...

 المقال غادي ينساه البيبل = الناس " بالانجليزية " مع الوقت لكن الا حنشو ليك نعاماس فالداخلية تايبقى التقرير = الرابور مزمم = مكتوب، في الحفظ و الصون،و خلال كتابة الاسماء المرشحة لمناصب جديدة :

" ولاة  سفراء رؤساء ادارات عمومية أو شبه عمومية هامة في المملكة، ستجد اسمك غير موجود ... و الله اعلم .. خوذني نعاماس على قدر عقلي ... وسامحني درتي خير فمراكش كبير، و خصوصا فساحة جامع الفنا،  بيت نردك ليك الجميل بطريقة كوحلالية .. 

 لانك ماشي شخص كبير فالسن باقي جون = شاب ومبوكص = وجهك زين ولافونير = المستقبل باقي دوفو فو devant vous

 اكرر بور لادوزيام فوا، ما كان عليك مسيو الوالي أن ترفع قضية، بل عليك أن تطالب بإنزال اعتذار أو تكذيب أو على الأقل رد من الولاية ، نشروه لوزززززز.. ما نشروهش حينها كل  المواقع فمراكش غادي تنشر ليك  الرد ، و هاهي الاغلبية غطت على هاداك الموقع، انا عارفوة مزيااااااااااااااااااان ... و تمشي الأمور حسب المسطرة الإعلامية العالية الجودة ...

رد الولهة  الداخلية ما عندها لا حبيب و لا فراند = صديق ...

النازلة برمتها مادامت أخذت لبوسا قضائيا فاعتقد و الله اعلم، أنها قد تؤثر على مسارك المهني  ثم أن انجازاتك بمراكش نجحت بميزة حسن جدا = لوززززززززز... والمسؤول الناجح دوما له لي زينمي = أعداء ... اوا لاش لاجوستيس امسيو الوالي؟ ..

لي بغا يكتب يكتب، بيديه و برجليه... جمافو لي كتب عليا خايب راه اعترف بيا أنني درتي ليه الصداع فراصو، و الوسواس فعظامو، و الحكة فجنابو ... و لم يجد وسيلة للانقضاض عليا سوى مس كرامتي ..

فوتر فيزاج =  وجهك احمر مسيو الوالي كمل و ديها فخدمتك ...

جي اوبليي = نسيت ، العمدة  ما رفعت  ما حطت شي دعوة ... وهذا منطق سليم أعجبني تصرف مدام العمدة ... عطتهم مشي، هو سواهم يخليهم بلخلى الخالي ..

أتمنى أن يسحب السي الوالي القضية، وحينها سيكون المنتصر الأكبر في هذه المعركة المفتعلة راه فخخخخخخخخخخخخ .. نعاماس ...

 و الدبلوماسي عمرو ما ينزل إلى مستوى اقل من مستواه .. و الله أعلم ..

 اوا لعب بنظرك نعاماس = فكر مزيان ..

 كمل شغلك اسي الوالي، و عطيهم النخال، و زيدهم خوه مشي ...

 راه غير أنا بأسلوبي الساخر اللاذع، نرد ليك حقك، و زايد نغزة نعاماس، بلا محكمة............

 و حق الله سير على الله حياكم الله ..

"""

ننشر ما لا يقدر الآخرون على نشره، نبث ما لا يستطيع الآخرون بثه ننبذ الظلم و نعيد الحق للمقهور، وهذا هو هدف رسالتنا، نحن مظلة لمن احرقه حر الظلم.

 مهما كنا "مثاليين" سنجد حتما من يكرهنا حتى الملائكة تكرهها الشياطين

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش

للاتصال : Khllmed80@gmail.com