تويشية كوحلالية حول الملكية بالمغرب

صورة لن تشاهدها يا مواطن في أي دولة بالعالم ولكن ماكاين باس أني نكمل موضوع الأمس حول دخول المغرب التحالف الدولي
لان المقال لقي متابعة كبيرة ادهشتني على منصة الإطلاق " tableau de bord  

دابا زنافري نشفوا ليا شوية من داء زكام...

تذكروا معي يا جماعة الخير أن بعض قشيوشات عاشور، كانوا يرفعون شعار بينا ملكية بحال ديال بريطانيا و هولندا وبلجيكا ... الخ.

 ولكن هؤلاء الأوباش نساو بان العقلية المغربية، ماشي هي البريطانية أو الدنمركية، لانه باقي عندنا ناس كا يخليو البركاصة، ويقذفون اللأزبال جانبا، لأنه ما فيهم ما ينزل من السيارة او الدراجة.

 باقي عندنا الناس الا كان بوليسي المرور يحترمون القانون ، و العكس صحيح..

 باقي عندنا صحافة مقابلة واحد الشقفة ،وهي تحكي عن مغامراتها الجنسية، مع واحد لمصرفق من قبيلة أبا عصدن ...

 مازال عندنا ناس يخرجون من الملاعب ويكسروا ممتلكات العامة والدولة ، و يضربوا البوبلس بالحجارة المكلفون بحمايتهم ...

 باقي عندنا ناس لا يفكون الخط .. والجهل حدث و لا حرج، في صفوف المتعلمين كبير بزافففففففففف... و الهجوم بالكلام النابي على المناضلين لشخصهم و ليس لأفكارهم ...
باقي عندنا ناس يشجعون البراني و يهمشو ولد لبلاد ...
افكار مزعطرة خامجة مرونة ...
ثقافة الطنجية بزيت العود و لفجل...

 باقي عندنا ناس  ما فاهمينش الحرية لان بعض شي براهش سخن عليهم راصهم، و يدعون ان الملك هو المسؤول عن كل ما يحصل  في البلاد،  نساو بان الحكومة فيها أحزاب و حنا لي وصلنهم للحكم و البرلمان و المجالس الجماعية  و الجهوية ...

 هاد لبراهش تالفة ليهم الجرية في الفيس الذي صار موقعا متجاوزا ، لان حتى جدتي قامت بإقفال حسابها على الفيس و اتجهت إلى التويتر ..

باقي عندنا ناس لا يضعون الخوذة = الكاسك من اجل حماية أرواحهم ، و يضعون الخوذة فقط عندما يشاهدون البوليسي ، ثقافة حب الحياة ما عندهومش ...ويقول البعض هاد البوليس تعدا علينا لانه فرض عليه الكاسك باش ما يتفرشخ ليه راصو بحال شي دلاحة في حالة حدوث حادتة.
وها هو المغرب سجل الرقم القياسي العالمي في حوادث السير ، ماشي بسبب الطريق لان لي غادي بلقياس ما يخافش و لي طاير يجيب الربحة...

 راه ما بقاتش  في الطريق زينة أو خايبة ، بقات في العقلية الخامجة لي كثيرة عندنا فلبلاد ...

واحد غادي بالسرعة خيالية فاقت القانون لي هي 120 في الطريق السيار شي بهايم كا يمشيو بهاد السرعة غير في الطريق العادي ، و لايحترمون لبلايك طبعا غادي يجيب الربحة في غرفة  الانعاش و ربما  قبر في فالشوكة ...

 اللهم لا شماتة ...

 الجزائر ما عندهاش طرق مزيانة و الحوادث قليلة، لان الوعي عند الشباب هناك مرتفع ولا وجه للمقارنة مع الشباب المغربي هذه حقيقة اقر بها ...

نرجع لموضوع الملكية

واخا اوا هاد لفضيحة ديال اوزين علاش ما تدخلش رئيس الحكومة، والفصل السابع و الأربعون يعطيه الصلاحية بإقالة الوزير فورا لكن لم يفعل لسببين :

النمبر وان:

 بنكيران ليس له الشجاعة السياسية اطلاقاااااااااا لأنه صاحب سياسة التماسيح و العفاريت، و على عهده وصل الفساد قمته، لم يحصل اطلاااااااااااااقا أيام حكومة الأستاذ عباس الفاسي .

النمبر تو :

مسكين بنيكران خاف على حكومته من أي تصدع، و خروج حزب الفضائح حزب الشكلاطة و الكراطة " الحركة الشعبية "
واهههههههههههه علاه هاد الحزب ماشي مغربي، ما عندوش نفس على لبلاد  ماشافش الشوهة؟.

 مفروض أن حزب العنصر، أول من يصدر بيان بإقالة الوزر من الحزب،  و من تم يسهل الأمر على بنكيران  مادام هذا الأخير  يتميز بالجبن السياسي..

المبادرة منين جات  من السما ؟

الملك هو لي أنقذ ماء وجه المغاربة، و بذكاء عالي جدا ، جمد و لم يقل الوزير محماد اوزين لأنه حسبها سياسيا مزياااااااااااااان ، حتى لا يحسب على الملك انه احدث شرخا بحكومة الكيكس ...

والله لو سقطت الحكومة و تم حل البرلمان،  لا خرج شي مغربي غوت ، لأنه المغاربة ملو السياسة والسياسيين.

 لأنهم تصدمو الزغابة   في حزب  بنكيران صدمة عنيفة تقاس بهزة اركولوجية عنيفة

 " الصدمة كانت قوية" ..

خطاب حزب العدالة بالأمس انقلب مليار مرة اليوم ...

اوا شفتو لماذا أقول:
ان الملك لا زم أن يمسك خيوط اللعبة السياسة، لان الأحزاب يهمها مصلحتها السياسية، أما الشعب يتلاح لبحر ..

و لكن الملك ما عندو لا حزب لا أطماع لا مصالح سياسية ...

 حللوا و ناقشوا بشوية عليكم، و اعلموا و قد علمتم بلا ريب ، ان الملكية هي رمز الاستقرار من غير الملكية المغرب الله يهنيه.
 لان الأعراق في المغرب مثل طبق مشكل.

عرب شلوح امازيغ صحراوا ريافا عرب مسلمين شيعة مسيحيين لا دينيين يهود ...

 صعيب تسيطر على بلاد من هذا النوع ...انتهينا

 إن فهمتهم تعليقي هذا جيدا فإنكم في الحقيقة لم تفهموا البتة، لان القارئ الذكي من يقرا خلف السطور، هاداك هو القارئ الذي اكتب له...

 ليلة لوزززززززززززززز ارجوها لكم اوروفوار ...

""""

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش المملكة المغربية

للاتصال :                      

Khllmed80@gmail.com