هادي حروفي

هادي حروفي  و الحرف عليا  مكتوب

نكتبها ناقوس ..  مرة نفيق بيه الغافل

مرة نصلح لعيوب ..   نكتبها عكاز

نعكز بيه الى عييت .. و عاد صوتي مغلوب ..  نكتبها مهماز

باش نثقب عين الباطل ..  ما نظلم ما ندير ذنوب

أونيس نعاود ليه  الى وحدي بقيت ..

ثوب حرير

  يمسح دموعي إلى بكيت ..

هادي ريحت حروفي  طالعة من الجوف

فيها ريحت كبدي فيها محبة ولدي

فيها لامان  الى حسيت بلخوف ..

هادي شوفة عيوبي  نعاسي اللي طار... و تخبى تحت جفوني

 هاد لساني الساكت ديما .. يلم كليمة على كليمة ..عارف حدو و صوابو..

ولي طلع الساكن فوق لبياص  يفيض لمداد ..

يحمل  لمعاني فجنابو .. هادي حروفي ومدادي ..

حروف حايلة ...

 ولمعاني كيسان معتقة بيها صبغت أيامي .

الشاعرة الرقية المهذبة المراكشية الأستاذة: لميس سعديدي من ديوان موسم لحصاد

""""""""

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش المملكة المغربية

للاتصال :

Khllmed80@gmail.com