Saturday, December 6, 2014

أتحداك اسي الرباح ان تفتح تحقيقا حول قناطر الكيكس و طرقات الكيكة

إلى الرباح الوزير الفاشل في "حكومة الغالب الله " بحال هاد القناطر " الصورة"  لي مفروض ديرو لولاد الشعب الغلابة،  لأنكم حكومة فاشلة ، و لا تقدر أن تحرك ملفا واحدا ، دون ضوء اخضر من صحاب الحال الواعرين.
  المنطق يا "حكومة  الله يعفو علينا منكم " يقول :
انه من الضروري فتح تحقيق حول قناطر المروك المغشوشة التي سقطت، و قناطر فرنسا التي بقيت صامدة .. 
في أوروبا التساقطات طيلة العام ، و تخلو معي الكمية. 
حنا في المغرب أسبوعين :
عرتنا و فضحتنا و شهمتنا و فقستنا و قتلت خوتنا ، حتى تروماي فالرباط ، تحول إلى غواصة؟
لقوادس = قوادس الميكة
القناطر = قناطر الكيكس 
الطرقات = طرقات الكيكة 
كولشي عندكم، مغشوش، حتى حاجة عندكم ما تخدمت ، بما يرضي الله و الضمير المهني، وانت المسؤول اسي رباح ، ماشي جدة " طبعا"
 فتح تحقيق فوري الناس ماتوا شي غرق ، شي جرو الواد بسبب ضعف القناطر و الطرقات ...
فين ناس ديال  المعارضة لي مفروض عليهم يغوتو، و ينوضها في البرلمان ؟
 فين الحوقيقين ؟
حتى شي برلماني ولا لجنة برلمانية مشات تشوف الضحايا، و كأن الناس لي وصلهوم الى البرلمان ، جاو من كوكب المريخ.
نسجل المبادرة الملكية بارسال وزير الداخلية السي حصاد يشوف اش واقع.. 
اوا فين بقية الحكومة فين مشاو ...؟.
 سيرو فوجوا شوية فمراكش، راه كاين مهرجان السوليما،لانكم حكومة الندوات واللقاءات و السفريات الى الخارج...
حتى  شي دولة ما قدمت مساعدات للمغرب أو حتى عزتنا علاش؟
لأنهم ضحكو علينا ، بلاد من حجم المغرب يقدم الغداء لدول منكوبة في إفريقيا وغيرها من القارات الأخرى و مساعدات كثيرة " مخيم الزعتر في الأردن للاخوة السوريين الاجئين أنموذجا" .
 طاحو عندنا في المغرب القناطر بحال الشفنجة إلا طاحت من الشريط ..
أش هاد بركوكش المحكوك؟
 واش نتوما حكومة و لا بيادق ؟
 حتى شي وزير متلوف من حكومة المتلوفين التالفين،  جمع الوقفة ،و مشا يشوف الغلابة الدراوش،  فكلميم و لا غيرها  يواسي  الناس و يعزي أهالي الضحايا ..
أطززززززززز عليكم
و مليون طزززززززززززز على حكومتكم
 و مليار طزززززززز على حزبكم 
و تريليون طززززززززز حتى على لي صوت عليكم ...
و الله ما عندكومش شي وجه علاش تحشمو يا الرباح، وهاديك الحكومة ديال والوووووووو
تلفوكم المناصب و الكراسي  و يموت الشعب، و لا عندكم الشجاعة السياسية، فتحو تحقيق، نعرفو الشفارة لي بناو القناطر ديال الكيكس و طرق ديال الشفنج  ...
لان الموتى و الله مايسمحوكم هنا ، اما لههههههههههههيه القضية عندكم حامضة  أحمض من الحامض .. 
اللهم لاشماتة ... 
إخخخخخخخخخخخ ... أتفوووووووووووو على طمع الدنيا لهلا يعطيني كمامركم.
 الله يكد لبصر مع لعمر .....
 و الله يخلينا فصباغتنا ..
الناس  شبعو فيكم معيور في الفيس ، و ليتو شوهة فهاد حكومة ستة كاو كاو..
يتبع الى اللقاء 
"""""""                                      
’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.
ذ محمد كوحلال كاتب مدون ناشط حقوقي مستقل مراكش المملكة المغربية
للاتصال :

No comments:

Post a Comment