مراكش استغاثة: الدراويش باراكا من الزيادة راكم قهرتونا شهمتونا الله يعطيكم الضرابي فالركابي

مراسلة ذ محمد كوحلال ، جامع الفنا ، ولد البهجة ، ما بهجة ما سيدي زكري .

الموضوع رقم واحد:  اللهم إن هذا منكر ، العيشة غلات و فاتورة الما و الضو فرعنت.

واش ما حشمتيش على عرضك امسو بنيكران؟  من أول يوم  جيتي إلى الحكومة ،بحال النكسة فلبلاد خربقتيها و رونتيها . زدي فكولشي  الزيت السكر الشاي ...الخ.

وراهههههه كون سمعتي شحال الدعاوي لي نازلين عليك بهم عباد الله فمراكش، و كون خويتي لبلاد ، و  تبعتي  مسيو المغراوي إلى السعودية. .

أهم مواد قوت الدراويش زدي  فيها ، و كلنا عليك الله ياخذ فيك الحق ، و لكن عاقبتك ستكون أسوء من سيء بكثيررررررررررررر ، لأنك تكرفصتي غير على المساكين، و لم تمس العفاريت الفاسدين  المفسدين، لي كالو حق الدرويش  و نهبوا ثروته...

بلا منهضر على ضريبة الاستهلاك، فيها  ملايين ما عايقينش بها العامة، تضخ في صندوق الدولة ، و لا احد من السياسيين استنكر ، و لا حتى البرلمانيين هضر على هاد الضريبة الفاحشة  لي كيخلصها المسكين بلا ما يشعر بها،  لأنها مزروعة في جميع المواد الغذائية.

 المصيبة العظمى ان " حكومة زيد وعاود زيد الشعب راه ناعس" ترغب في سد عجزها مرة  أخرى من جلد المسكين ، عبر زيادات صاروخية في فواتير الماء و الكهرباء.

 صباح اليوم كنت غير بعيد عن ساحة جامع الفنا ،  استوقفني رجل نظافة يشتكي لي  من لهيب فاتورة الضو و الما،  صديقين آخرين سألتهما فأكد لي نفس التذمر و الحسرة بادية على وجود جافة  من شدة الفقر و الحاجة، و ألسن ريقها لم يعد مبلل بلعاب نشف من شدة القهرة . احدهما اخبرني ان  الناس فمراكش على فوهة من اجل القيام بانتفاضة  شعبية عارمة ، بسبب التلاعب التي تمارسه " ادارة لاراديما " في نفخ الأرقام و أعطيكم مثال عن نفسي .

" لاراديما " الإدارة المخزنية ، تطبق ما يملى عليها لأنها  تابعة لوزارة الداخلية.

واههههههههههه...  أعباد الله .. اللهم  إن هذا منكر،  واش وقت ما خصكم لفلوس ، طحنو المسكين؟ .

كنت أظن  أنني وحدي لي تشويت ، وإذا بي القيامة نايضة،  وأنا فدار غفلون ما  فراصي ما يتعاود.

واش  بيتو ضحكو علنيا بهاذيك النكتة ديال تعويض الأرامل، وتفرشخو الدرويش في الضو ،و الماء باش تخلصو الأرامل وها نتوما درتو المزيان ؟.

طززززززز " بفتح الطاء" معا من نتوما ..؟  راه المغاربة هادو و الله لا دوزتو عليهم بهاديك سياسة البتيخخخخخخخخخخ ..

سؤال إلى  من يهمهم الأمر:

 هل ترغبون في تكرار تجربة مسيرة " سيدي يوسف بن علي "  حنا مستعدين و على  أثم الاستعداد ...

راه المنكر هذا ...  اعبدا الله..  الناس مقهورين من المعيشة لي غلا علينا بنيكران،  تزيدونا حتى الضو و الماء،  اوا...  بزافففففففففففف...

 خصنا حنا شي إضراب فيه ثلاثة أيام حتى تشل الحركة الاقتصادية بكل ربوع البلاد، و حينها يشوف بن كيران حريرتو فين غادي توصل؟  ..

الموضوع رقم جوج:  الامن غايب بتراب الدائرة احدى عشر يا مسيو البريفي

سبق لينا تكلمنا عن تقاعس واضح للدائرة الأمنية بالحي الحسني11 بخصوص التسيب الأمني الكبير،  بحي سكوما ،  غير بعيد عن ، دوار برادة ، و في نفس السياق أي التقاعس للدائرة  وسبق لنا  نشرنا شكاية لساكنة "حي تاركة " و لم يحرك مسيو البريفي أي ساكن،  و كأننا نتكلم عن شعب في الموزمبيق و ليس في المغرب.

اوا ها الأدلة مسيو البريفي، رابط الشكاية.

أنا ما فهمتش،  واش الخلل من عندك اسي الدخيسي، أم من حهاز الاستعلامات العامة  الموكول له مراقبة كل ما ينشر في مراكش.

http://marrakehchtimes.blogspot.com/2014/10/blog-post_72.html?q=

الأسبوع الماضي وقعت حادثة سمعت بها،  ولم ارغب في نشرها لأنني لست تلميذا حتى انشر مثل هذه الأخبار الزفت،  لكن إن وصل التسيب الأمني فإنني مجبر كمواطن أولا، و كحقوقي ثانيا أن أقوم بواجبي،و غادي نشرح ليكم مزيان مسيو البرفي ...

قلت الأسبوع الماضي تشاجر برهوشان أمام " الثانوية التأهيلية عبد رحمان بحي تاركة " وراه الشكاية واضحة عن بعض السلوكيات لاحظتها أمام الثانوية ، من استهلاك الحشيش  و مصمصة خدود العاهرات، و على عينك يا بن  عدي.

المصيبة الأكبر أن البرهوشين تشاجرا احدهما كان يملك سكين عطا لخصمه و صيفطو للمستشفى، حضر رجال الدائرة الثامنة ، لكنهم اكتفوا فقط بالمعاينة عن بعد، لأن مكان الجريمة تابع لنفوذ الدائرة الحادية عشر.

 اوا شفتو البوليس لي غادي يحمي ولاد الشعب؟ ، الذي وقع مسيو البريفي ، ان القوات المساعدة الله يخلف عليهم ، هم من قاموا بالواجب بإبلاغ عن الجريمة.

لخبار و صلتني  من قعر الثانوية ...

عندك خلل كبير ربما اكرر ربما، في جهاز الاستعلامات العامة نعاماس وسحمنا ، بوكو بوكو ...

اوديييييييي فين أيامك يا صديقي العزيز اللوزززز  مسيو بيناني رئيس مصلحة الاستعلامات الولائية سابقا بولاية مراكش.

أنا بيت غير نفهم ، واش لي خدام سرابسو بضمير، و تفان بحال مسيو  بيناني كا طيروه أسي بوشعيب الرميل ، علاش اعباد الله ؟

واش  الرباط مخصوصة تسيفطو ليها مسيو بيناني  أش هاد المنطق عندكم فهاد الإدارة؟..

أعود إلى صلب فضيحة الدائرة إحدى عشر الحي الحسني 

 البوليس ديال الويتيام ، الذي حضر إلى مكان الجريمة  لم يقدم المساعدة لمواطن في خطر، و الأمر جناية  فاضحة،  يا جناب وكيل الملك.  

المهم تم إلقاء القبض على الجاني ،  أش من بوليس هذا امسيو  البريفي ، الذي لا يؤمن امن الدراويش،  فين هي  الدوريات،  ياك البوليس كيتخلصو من الضرائب التي تحلبها الدولة من قوتنا.

حقيقة تخربقت ليا الصابرة ، لان رئيس الدائرة الثامنة ، اعرفه مزيانننننن ، كان في الدائرة اثنا عشر ، فحي المحاميد، اعرفه حق المعرفة انه  رجل ممتاز،  و طني غيور ، و له ضمير مهني عال جدا ، و لكن معرفتش مسيو سي محمد هيستاك ، اش وقع ليه،  من "مدرسة لالة أسماء " لهاد الكارثة ديال ثانوية عبد الرحمان؟.

و سبق ان نشرت عنه كلام زوين فدائرة

"حي المحاميد " عندما قلت أنني لم أشاهد عميد شرطة ممتاز باب مكتبه بدون باب دائما مفتوح للدراويش .

هاك ها الدليل مسيو البرفي مقال طويل و مفوج  و مبهج بالجهد،  الله يصبرنا ، ويدير  شي تاويل الخير ، ها أنت نعامس بدا لارتيكل = المقال عند كملة

وقفة  لا بد منها ..تحية إكبار وإجلال لبوليس الدائرة 10 و 12

http://marrakehchtimes.blogspot.com/2012/05/1.html

 نزيدك مسيو البريفي اللوزززز،  شوية  وصافي ، ماشي لوزززززز زعما لوزززززز، كما كنت من ذي قبل.

المهم ما عندا كسر خلينا في ثانوية عبد الرحمان ، البارح الأربعاء  الخامس نونبر،  بعد الزوال مرة قطيع من البراهيش يحملون السكاكين على عينك يا بن عدي، ولا احد استطاع أن يحرك ساكنا والوووووووووووووو ، التلاميذ خافوا و بقاو فالساحة ، وبعضهم تسلق الجدار يراقب السيرك البرهوشي.  اوا لي خرج فيهم راه ساخطة عليه ميمتو.

" الخوف رجلة " ،،على حد قول صهر افلاطون ،،   خافوا الدراري مساكن يخرجو،  فلو فعلوا لوقعت بكل تأكيد أأأأأأأأأأأأأأأأأ ...مولاي مسيو البريفي، شي مصيبة اكتر من هاديك ديال " قبيلة بولنمبر" في العراق ...اوا شفتي نعاماس دابا علاش نشرت الخبر لان الامر مس وليدات الشعب وهم تلاميذ؟.

روينة  أخرى سبق لي الحديث عنها تخص " حي  سكوما "  خلال هاد الأسبوع  وصلني اتصال من مواطن،  لا اعرفه يخبرني بأنه تابع بوكليب لكحل لي نشرت عن حيه ،و أكد  الغياب التام لرجال الأمن، و دوريات الشرطة  ...

واش ماقدرينش على تدبير شؤون الأمن بالحي،  ماشي مشكل = نو بروبليم، خويو لينا هاديك الدائرة11 ، يدخلو ليها القوات المساعدة ، صافي و هنينونا ، ماشي  بوليس  مرتاح فالدائرة و الناس  كتفرشخ على بارا؟  

صافي حادك هاد البوليس غير يدخل  للمدارس، و يتكرفص على  سيدة قبل أن تكون معلمة .

استعراض العضلات لم يكن يوما ما في برنامج المدرسة الأكاديمية الملكية للشرطة في القنيطرة.

الحل ساهل مسيو البرفي

  برمجوا دوريات ليل نهار بنفوذ الدائرتين ، الثامنة و الحادية عشر،  بالتناوب مع القوات المساعدة، و تكون شوية الهيبة المخزنية .

 زعما هاد الناس  شعب حزقستان ، ماشي من حقهم حتى هوما ، يطبق عليهم ، خطة حذر ، علاش زعما؟.

Je comprend =   I understand

ah oui  = ah yes 

أأأأأأأ يس ...  فهمت يا جماعة الخير ،  هادي " أحياء الدراويش حزقستان  "  ما فيهاش مراكز تجارية ولا  فنادق و لا علب ليلية ، و لاحانات و لا مطاعم لوكس ...

باززززززززززززززززززز ...

كيتنا كية المسخوط،  كمارتو عمرها ما تخفى،  واخا تمسحها بالحلفة ...

اللهم لا حسد ... اللهم لا حسد ...

علاه البوليس و غيرو منين كايشد المناضة؟ ، ياك من جلدنا و خبزنا ، و رزقنا؟ ، بنكيران حلبنا حتى نشفنا ، ما بقا فينا ما يتحلب .

بفولسنا باش كيتخلص البوليسي و العسكري و الدركي  و المخزني و الموظف و...الخ.

على هاد الاقتصاد الزين لي عندنا ، في أيام بن كيران  الكحلة  الزحلة .

 يتبع إن بقي في العمر بقية حياكم الله السلام عليكم .  مراكش 

"""""""

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش المملكة المغربية

للاتصال :

Khllmed80@gmail.com