اتق الله في نفسك يا بنكيران و احتفظ بمفاجأتك لنفسك و لحكومتك المبوسرة

واش حتى زندي  المجمر،  و شعلتيها فلبلاد، و حمضيها حتى حماضت، وعطات الريحة، عاد أنت جايب لينا المفاجأة ، واش كضحك على الشعب المغربي؟.

 في التاريخ عمرنا ما شفنا  جميع النقابات اتحدت مثل ما فعلته على عهد حكومتك الأكثر فشلا مند استقلال البلاد . الطامة الكبرى خروج العدليين " العدل و الإحسان" ليس حبا في همنا و لا أخوه غمنا ... بل فقط لاستعراض العضلات  على الدولة، علمان أن العدليين يعود لهم الفضل في صعود حزبك يا مسيو بنكيران .

تعلم جيدا و كل الطبقة السياسية في البلاد، ان الشعب المغربي ابتعد عن صناديق الاقتراع و فريع الراص ديال السياسة و السياسيين.  ما بقات ثقة والووووووووووووو

 أمر غريب ارتفعت له  حواجبي من شدة غرابته، و أنا أتابع الأحداث الوطنية ، أن بعض الجمعيات هي الأخرى ستخرج يا سلامممممممممممممممم..........
 واه الناس فاقوا مرة واحدة ، أبشاخخخخخخخخخخخخخخخخخخ ...

 يا كما نفصتو من الخبز ،  راه فيه مادة لخميرة ، و المادة اللعينة كتجيب النعاس ، و شعبنا بطبيعته شعب خبزي  ...

حقيقة هذا النهوض المفاجأ ، يجب على علماء الاجتماع دراسته بشكل علمي وأكاديمي،  وفي آخر المطاف فان الشعب لن يخرج غدا ، بل فقط هي  كتل نقابية ، كل جهة لها أهدافها المهم كما قال ابن خالت أفلاطون  " عظة فالفكرون  و لا بلاش .."

 الناس عيات ، و المعيشة غلات، ودارت جنحين ، و بنكيران ،  قزب هاد الشعب، كمل  ليه لي خص،  و ها هي نهاية حزبك و مشوارك السياسي القصير المدة قد أوشك على نهايته اللهم لا شماتة  ...

المغرب تقال جناحو،  بالديون الخارجية ، و من جلد الشعب غادي تخلص هاديك الديون بفوائدها المترفعة ...

 الجالية المغربية حبسات علنيا العملة، لكن الفساد مازال للأسف، بعض من مغاربة الخارج ضاعت أموالهم إما بسبب الفساد ، أو النصب ، أو الرشاوي...

السياسي لي ما يجيب مستثمر لبلادو،  اعتبره سياسي فاشل يمشي يبدل الحرفة،  و عطوني كم من الشركات المتعددة  الجنسيات أو على الأقل شركة واحدة استثمرت بالمغرب بكتلة مالية ضخمة؟ 

الجواب والووووووووووووووووووو

مشكل ديالنا في المغرب هي الأحزاب كثيرة ، و الفساد السياسي كثير ، و القضاء ضعيف، و العقاب منعدم  ،و قانون من أين لك هذا؟ ،  لا وجود له ، و كل من يتحمل المسؤولية عندما تنتهي مهمته ، لا احد يحاسبه .

  البرلماني لي ما ينميش المنطفة ديالو،  يجب أن يحاسب،  المستشار الجماعي الذي لا يفعل شيئا في حيه يحاسب و يعاقب، ما دام أن المغرب ما فيهش الحساب،  عمر بلادنا ما تزيد إلى الأمام ...

شوفوا غير هاديك الشوهة ديال البرلمان المقاعد فارغة ، و مازال دايرين معاهم سياسة 
زيد الشحمة فظهر المعلوف ، كاينين  شي وجوه برلمانية لا تحضر اطلاقااااااااااا إلا عند افتتاح الدورة من طرف الملك... ناس ما عندهم ضمير ما عنهم غيرة على لبلاد ؟

البرلماني لي يغوت على التعويض،  ماشي برلماني، شوفوا أوروبا البرلمان عندهم مقدس ، والحضور إجباري ...

 اودي أش جاب الغاسول لزيت العود ...؟

أعظم دولة في العالم،  أمريكا فيها  جوج أحزاب ، الجمهوريين و الديمقراطيين،  حنا عندنا شواري ديال الأحزاب،  بلا حتى شي معنى...

 الحياة السياسية فالمغرب ، و لات باسلة ، وكتخلع بحال وجه المنحوسة ، يخلع الموتى، و  عساس الروضة ...

 خليوني  نمشي نحط غير عظامي ... ما كاين لا سياسية  و لا برلمان و لا حكومة ولا سيدي زكري ، خو سيدي شكري، الملك هو لي خدام .  باي

"""""""

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش المملكة المغربية

للاتصال :

Khllmed80@gmail.com