مقتطف من مسرحية مراكشية لمجموعة من شباب البهجة بعنوان ’’ علاش ؟ ’’

مقتطف من مسرحية  مراكشية لمجموعة من شباب البهجة بعنوان ’’ علاش ؟ ’’ 

تأليف // عثمان الشتاوي / نورالدين اداراس / مراكش

مسرحية جميلة جدا جدا, نقدم لكم فقط مقتطف, من خلال حوارات بين شخصيات على خشبة المسرح. حيت الحوارات كلها اشعار زجلية جميلة و رائعة ..

متبعة شيقة ارجوها لكم إلى  اللقاء ..

دق دق دق .. على دق ..

 و باب لغتي مسدود سابقني صمتي, لي باني في سدود , نفتح للفاتح و نسكن المسكون..

سمعوا يا ناس ..

 حيوط المحبة رابو, والساس لمتين راشي.. ولخوت كلها ساد بابو.

فينيك يا الريح القوية, هبي فالصيف خوذي لقبيح  وخلي لمليح..؟.

شبابنا ضايع فالطريق على جنب الرصيف, لا شغل لا مشغلة, لا أجر صحيح.

الخوف و القهرة ... ورقابنا ممدودة للسيف..

 لسان الحق مطوي ما يقدر يصيح..

القلب عامر موسخ و ما هو نظيف ..

بغيت نعرف علاشششششششششششششش؟!

أنا اسمي عادل .. لكن الزمان و القدر مكانش معايا عادل , أنا حليت عينيا ما لقيتش أمي, ما لقيتش أبا حيت لاحوني صغير, كبرت فالزنقة .. كبرت فالزبالة .. بغيت نعرف علاششششششششششششش؟!  

تبعت البلية حيت.. تنلقى فيها راحتي..

 كنسى الواقع.. كنسى.. بنادم كنسى.. كولشي..

هادشي علاش كولو.. دارو الفقر ..

 أيههههههههههههه .. الفقر..

ههههههههه..

 الفقر .. الفقر..

 أنا عندي لفلوس  أوكبرت فلفلوس , لكن قلت عقلي...................

أنا أبا و أمي مكنشوفهمش غير فالفجر ..

 كبرت فلفلوس أو ما عرفتش الحنان..

بديت المخدرات..

 بشمة

تبعتها شمة ..

 لقيت راصي عايش فالأحلام .

ما لقيت لي ينبهني ..

 هادشي علاشششششششششششش..

أنا لقيت لي ينبهني , لكن الغلط مني تبعت صحاباتي .. تبعت صحابي , قالوا ليا هاكي جربي..

 ما تخافيش..

غادي تضحكي مزيان..

أو ضحكت مزيانننننن

لكن مورى الضحكة.. فقت من النوم, أو لقيت ضاع ليا شرفي , هدا هو علاش..

علاش ضيعت قرايتي ؟

 ضيعت مستقبلي.. بديت بنترة فباب المؤسسة, تبعتها جوج فالمرحاض المؤسسة.

تبعت كارو فالدورة , حتى لقيت راصي ف 1000 , منين جيت نشوف لقيت راصي بحالي بحال هاد الناس ..

 أو صلت مرحلة الإدمان.. منين بيت نتوب, قال لي الطبيب.. السرطان أو فات الفوت هدا علاش..

أنا ماشي بحالكم أنا ماشي أحمق .. هما اللي حمقين, درت فيه التيقة أو ماعارت أش درو ليا فيه ؟؟..

لقيت راصي كنضرب الناس ..أنا ماشي أحمق ..

أيههههههههههههه.. عرفت ..

سمعوا يا ناس .. بنادم فالزنقة ..دالح.. ما مرتاح..

خوذ يا إنسان.. من لحزان دمعة, و فالضحكة الصفرة لا تيق..

خوذ من لغدر كية.. تبكيك الرفاكة..

خود من ظلام الليل حكمة, ترويها فالفجر..

 و خود من تنهيدة سلام, و من الدنيا أوهام..

خود من لعمر أيام من قلة الزهر , أحلام ...

فين الضحكة و وفين المحبة و التبسيمة , فين الإسلام , فين التعاون و الشباب محتاج لينا و بلادنا محتاجة ليه؟..

 فيق أو عيق.. يا إنسان أو دير يديك في يدي..نبنيو شبابنا و نرفعوا علم بلادنا...

الخ..

******

لمن يرغب في الاتصال ذ . محمد كوحلال

0657349403 الأرقام المجهولة بصيغة Inconnu  لا نرد عليها

’’مراكش تايمز’’marrakehchtimes  منبر لمن لا منبر له, و صوت لمن لا صوت له, و ظل لمن لا ظل له, موقع الدراويش.

كاتب مدون ناشط  حقوقي مستقل ولد الشعب.

البريد

Khllmed80@gmail.com

*****   

صفحة ’’مراكش تايمز’’ على الفيس

 https://www.facebook.com/marrakehchtimes

*****

صفحة ذ. محمد كوحلال على الفيس

http://www.facebook.com/profile.php?id=100002081242859&ref=tn_tnmn

****

صفحة ذ : محمد كوحلال على موقع’’عرب تايمز’’ الأمريكي

http://www.arabtimes.com/portal/article_display.cfm?ArticleID=22501

***

صفحة ذ محمد كوحلال  على موقع اليسار العربي ,,الحوار المتمدن,,الدانمارك

http://www.ahewar.org/m.asp?i=2121

***** 

الموقع على اليوتوب:

http://www.youtube.com/user/wahwah8308/videos

*****

الموقع على التويتر :

https://twitter.com/marrakech3