شوهة بلقراقش و البندير المثقوب يا لالة فطومة

شوهة بلقراقش و البندير المثقوب يا لالة فطومة

صور بعدسة محمد التحفي

سور باب دكالة, شوهة و عيب وعار و حشومة, خلف ملعب كرة القدم الخاص بالكوكب

ما حليتي مشكل سوق الربيع و لا سوق الواحة بسيد يوسف بن علي , ولا سوق الزهور  بعين إيطي.

أناريييي ... كون كان ’’يوسف بن تاشفين’’ حي كون طلانا وطلطلنا ودارنا صوبة = شوربة خضر..

أبشاخخخخخخخخخخخ ... مراكش مشات فشكارة مقتعة = محفظة ممزقة

 ما فهمتش أنا كمواطن مراكشي, طالعة ليه الزبانيات, من هاد المجلس الجماعي, وزيد عليهم حتى مجلس سيدي يوسف بن علي. وغادي نبرعكم يا المجلس ,بشي تصويرات هشاش, ما فيهم ما يتشاف,  يعيطيني لعمى 

أتساءل اشنو كايديرو في هاد المجلس الجماعي ؟

 واش مقابلين غير الأنشطة و شي أنشطة زينة الله يجيب؟

 واش صوتوا عليكم الدراويش , باش تحلو مشاكلهم, أو لا فقط لحضور لخوى الخاوي. هاد حفل هذا مؤتمر هذا بوكليب لكحل هاذي دورة, هذا اجتماع في الولاية ..

اوا وهاد الناس لي شهمتوهم و فرقتو عليهم الوعود أيام الحملات الانتخابية.

 صافي طار لحمام وخلى لبزق ....
أغدايدي امحايني, و كون غير عندي لحناك عامرين, نعظ باباهم بالفقسة جمافوووووووووو فيكم يا حناكي= خذودي , و لا حتى شي فخاد عامرين, نقمش باباهم, ولكن الغالب الله, انا مسلوت بحال السبسي..

 طززززززززززززززززززززز / بفتح الطاء

يلعن أبو الانتخابات, و يلعن جد قبايل طاصيلت شي انتخابات, يا خوتي المغاربة, عيقوا و فيقوا  هادي هي لا فيريتي = الحقيقة .

 راه ماكاين لا أحزاب و لا انتخابات .. و لا سيد شكري على وزن سيدي زكري ..
أمححححححححححححححححححح عليك .. أخويا ميميد 

السلطة تقضي معاكم الغرض, أفضل بكثير,.. علاش ؟

كتبت ذات مرة, لماذا الانتخابات؟, فلا فائدة منها مند استقلال المغرب الناقص 1956 و الأحزاب كلها مرت من المجالس الجماعية و القروية, و الوزارات والبرلمان.

 النتيجة والووووووووووووو. صفر على أصفارررررررررر ...أفرررررررررررررررر

أذكر أنني كتبت عبارة ,, باراكا علينا غير السلطة,, تسير لبلاد أفضل بكثير بوركوا= علاش؟

لان السلطة مؤسسة باقية قائمة, ان ذهب علان عوضه فلان, والمؤسسة العمومية باقية مستقرة.
هادي عندك أخويا ميميد بوراص 
مرسي بوكو بوكو  

الله يرضى عليك يا كوحلال يا ولدي  

مرسي بوكو بوكو, خويا التفرتيح..

بينما المجالس مشا كريط ,عاود رجع كريط , أو حتى إذا ما تغيرت الوجوه, و هذا نادرا ما يقع بالمغرب.  لأنه  كاينين شي منتخبين خصهم, يحفظوا و يسجلوا الكراسي, تحن مقرات الجماعات القروية و الحضرية و حتى في البرلمان.

ذابا غير بيني  وبينكم , و خليو كلامنا هنا. علاه هادي أحزاب و هادي سياسية, وهادي وطنية؟.

 كم من مرشح كان .. الله الله و أصبح صاحب مال وفير  , في مراكش اعرفهم مزياننننننننننننننننننننن ....

فين أيامك يا السي الباشا المنصوري ؟

 اوا كلامنا ليه بقية ..ساعتكم زينة, ومنورة و مبهجة و من البهجة احييكم ..
باي باي 

******

لمن يرغب في الاتصال ذ . محمد كوحلال

0657349403 الأرقام المجهولة بصيغة Inconnu  لا نرد عليها

’’مراكش تايمز’’marrakehchtimes  منبر لمن لا منبر له, و صوت لمن لا صوت له, و ظل لمن لا ظل له, موقع الدراويش.

كاتب مدون ناشط  حقوقي مستقل ولد الشعب.

البريد

Khllmed80@gmail.com

*****   

صفحة ’’مراكش تايمز’’ على الفيس

 https://www.facebook.com/marrakehchtimes

*****

صفحة ذ. محمد كوحلال على الفيس

http://www.facebook.com/profile.php?id=100002081242859&ref=tn_tnmn

****

صفحة ذ : محمد كوحلال على موقع’’عرب تايمز’’ الأمريكي

http://www.arabtimes.com/portal/article_display.cfm?ArticleID=22501

***

صفحة ذ محمد كوحلال  على موقع اليسار العربي ,,الحوار المتمدن,,الدانمارك

http://www.ahewar.org/m.asp?i=2121

***** 

الموقع على اليوتوب:

http://www.youtube.com/user/wahwah8308/videos

*****

الموقع على التويتر :

https://twitter.com/marrakech3