كنت أتمنى يا إخواني في مجمعكم ضد حفل الولاء يوم الأربعاء بالرباط

كنت أتمنى أن تنظموا وقفة ضد الرشوة فيروس ينخر جهاز القضاء و الرشوة تشم ريحتها على بعد أمتار مع كل الاحترام و التقدير للشرفاء..............

كنت أتمنى أن تقوموا بوقفة ضد هاد التعليم الزفت لي عطانا شباب, ديال الكالة  و المعجون و فتيخ الجوانات بمراحيض المؤسسات العمومية...

كنت أتمنى أن تقوموا تفضحوا ما يجري في المستشفيات من إهمال و عفن و خنز و الرشوة مع الاحترام للشرفاء في مهنة الطب.............

لن اتحدت عن سبيطارات  البادية فهي في غالبها تشبه زرائب أما التهميش الذي يعيشه ساكنة العالم القروي  فذالك مشكل عويص و العطش فحدت و لا حرج الناس كيمشيو كيلومترات من اجل جغمة  ديال  الما ...........

شوفو الإعلام الذي يشفط أموالكم من قاع جيوبكم و يعطيكم إعلام ديال الحشية = الخردة

أعباد الله هضروا على المعطلين ,شبعو فيهم المخازنية و البوليس عصا حتى  أصبحوا محال مخدة = وسادة

هضروا على المباريات = Les concours  لي كتعطا فيها الرشوة باش يدوز المرشح الله يجعلو ما يجيش كاع للمبارة ....

 أنا مغربي و عارف اش كايوقع في بلادي؟؟

خروب بلادي و أنا عارفو و  الله يخليها معرفة...

وزيد  و زيدددددددددددددددددددددددد ..يا السي اليزيد بوكلوخ

مشيتوا  فالخاوي الخوت قشور الحوت..

خليتوا مشاكل الشعب و مشيتوا تعلقتوا فين تفلقتوا و لهاذ ا ما لقيتوا  في جنبكم إلا بوليس القمع  أما الشعب غارق في همومه ..لي شبع تايكول للكرش غني ..

شي مضارب مع الزمان وشي مضارب مع . واش نركع او نشطحوا ..؟ !

لله يرزقنا حسن الختام و يكد لبصر  مع العمر

ذ. محمد كوحلال / مراكش