vendredi 22 juillet 2016

على من غادي نصوت و لكريساج ارهب الدراويش برلمان تونس يستحق الاحترام

تويشية كوحلالية: 
الديمقراطية التونسية النموذج العربي المحترم،والسياسيين المحترمين،والأحزاب المحترمة. فقد قرر البرلمان التونسي يوم 30 الشهر الجار تجديد  أو سحب الثقة من الحكومة التي يرأسها حبيب الصيد.
اجي نشوفو حريرتنا أوماروك:
شوفوا برلمان المغرب الغياب دائم لعدد كبير من النواب جلهم لا يظهر سوى يوم افتتاح دورة أكتوبر،حتى قانون تشغيل القاصرات كان البرلمان شوهة بسبب غياب كبير للنواب و زيد وزيد ...الخ.

السؤال: علاش غادي نصوت أو حتى نتسجل، إلا كان البرلمان دائما خاوي إلا من اخذ الله بيده، و هم قلة قليلة.الشعب في جهة و النواب في جهة أخرى، مضاربين غير بعضهم البعض بسبب حسابات سياسية والشعب تا يموت فقرا و قهرا،ويعيش الخوف من المستقبل المجهول،و لكريساج صار ظاهرة مغربية،وارتفاع الأسعار،وثمن القوت،والرشوة،والمحسوبية،والفساد منتشر بحال الجراد، شباب عاطل حتى و ليدات الإعدادي و الثانوي صار لهم هاجس كبير يعيشونه بسبب المستقبل المجهول، التعليم مفلس،  ...الخ..
غريب ان أجهزة الآمن تعتقل بسرعة البرق الخلايا الإرهابية النائمة أو حتى المستيقظة،و ماقدراش تحمي الدراويش من الاعتداءات المسلحة بالسلاح الأبيض التي تقع نهارا جهارا أما الليل فذلك عالم آخر يرتفع فيه مؤشر الاعتداء على الدراويش بشكل مهول .. قلت في تدوينات سابقة إذا ما صار المواطن يحس بتهديد لسلامته و أمنه، فتلك بداية لشرارة انتفاضة هي مثل نار تضرب غابة من الأشجار اليابسة و سوف يصعب على أي إطفائي التغلب عليها .. اللهم ألطف بنا يا رب العالمين .. 
اعباد الله مواطنة جات من مدينة اخرى لزيارة مراكش،وغيربعيد عن الساحة و كانت رفقة اسرتها فرتحو ليها بالساك عند منتصف النهار وكانت تبكي .. غير بكي أخالتي رجاك فالله ..
الا تكريسا او تسرق شي مسؤول، القيامة ناضت قبل أوانها، سرقة هاتف بمراكش لحرم سعادة سفير بريطانيا بالرباط نموذجا .. 
اوا حنا تريكت بوزبال حزقستان المزاليط  يدخلو علينا حتى البيوت و يحيدو لينا ملابسنا الداخلية هانية .. حنا ما عندنا نواب يهضرو ويحيحو من اجلنا .. لينا الله ..
هاد لكريساج لي وصل لهاد المستوى له أسباب: مذكورة اعلاه ولكن قد تكون هناك جهات هي من يحرك هؤلاء الصعاليك داخل آو خارج المغرب " لمشرملين "نموذجا حتى ينتفض الشعب،و ترون لبلاد ..وهادشي راه نبهت ليه أكثر من مرة المسئولين،ولا هم في هاد العالم لان جلهم ليست لهم غيرة على لبلاد .. لان الدراويش سوف يؤمنون حياتهم بأنفسهم، شي يهز معاه سلاح ابيض، شي يكون لجان امن لحراسة الأحياء وساكنيها على شكل مليشيات، ممكن أصحاب المحلات يستعينون بحراس مسلحين بسكاكين، احتمالات قوية جدا..  اوا هاحنا ولينا في روينة كبيرة.. لارواس لكحل .. لان المواطن لي تكريسا فرزقو لن يقبل أن يتعرض للاعتداء مرة أخرى،سيكون مجبرا على حمل السلاح الأبيض لان الأمن شبه غائب.
 شحال من مرة كتبنا عن لكريساج فمراكش،وعنتريات تجار المخدرات "حي الموقف" نموذجا و الله ما تحرك شي حد .. حتى هادو لي صوتو علهيم فالبرلمان والله ما كاين  شي برلماني أو مستشار كتب سؤال إلى وزير الداخلية حول أسباب عجز الأمن التاااااااااااام في تطويق و القضاء على ظاهرة لكريساج .. هادشي عمرو ما كان فالمغرب، معناه ان الأمن في المغرب صار عاجز تمااااااااااما عن وقف هاذ التسوماني ديال لكريساج .. حصاد تالف غير مع الاحزاب هوما تايفكروغير فالانتخابات، مديرالأمن كل اهتمامه منصب على محاربة الارهاب،و تطهيرمؤسسات امنية،اوا الشعب يموت بالفقسة و الخيبة ديال لكريساج ..
السلام عليكم و جمعة مباركة..

Aucun commentaire:

Enregistrer un commentaire