هكذا يسخر المغاربة من بعض الفنانين، رسالة قصيرة إلى مسيو الرميد وزير العدل

سخط جماهيري شعبي على المسماة " الداودية "

لهو استنكار كبير عام و شامل ، من شباب "  ات " لبلاد على هاد الكائن البشري بصيغة المؤنث.

و قد كان لنا البداية و شعلت لعوافي بصيغة لقوافي ، على الفيس ،  من باب الغيرة على الفن ، أي والله، و حفاظا على ولاد الناس و بنات الناس ، ثم على سمعة لبلاد ، أي نعم .. و أيضا  حفاظا على الذوق العام.

 اجيو بلاتي فين هوما هادوك لعرارم ديال الشيوخ؟

  حفنة من الشيوخ يعبجوك غير فالتلفزيون، ولكن ناس كازا أحييهم مواطنون و مجتمع مدني، برافوووووووووووووو ... لوززززززززززززز ...

فين البرلمان؟

البرلمان في غرفة الانعاش 

فين الأحزاب ؟

الاحزاب الغالب الله حنا مشغولين مع الانتخابات، و عزوف واضح بزاففففففف فمراكش على التسجيل بالملحقات، و حتى على الموقع شبعت ضحك والوووووووووووووو..

الموقع يصفر تصفيرا... 

اللهم لا شماتة 

يا ربي سامحني ...

  قلت:

 ناس الدار البيضاء انحني لهم إعجاب كبير ، لأنهم حركوا المسطرة لدى النيابة لمتابعة  صاحبة أغنية:

" أويلي اميمتي،  مشا صاكي واكعيييييييييي، و معجبني عكري نارييييييي، و الله يخليني و يخزيني أححححححححححححح، و يلعن لي علمني الضرب على الدعدوع و الكمنجة ...

 اها ... ازيد .. اكعد..  اخزيت ..  ادفع..  ما فيه نفع ... "

اوا دابا نشوفو مسيو المينيستر

علاه امسيو  الوزير ما سمتعيش هاد الروينة و الزميطة بالكيكس الحامض ، ديال الداودية؟

 نعاماس  الأغنية راه  وصلت رقم قياسي على اليوتوب، علاه ما عندكومش نعاماس ملحق إعلامي بالوزارة؟ .

 أنت وزير سكت على جريمة في حق الشعب المغربي المسلم،  والسكوت على الجريمة  تواطؤ أمسيو الوزير، فعل و جرم يعاقب عليه القانون، أي و الله.. و جنابك أدرى مني و محام كبير ماشاء الله...  اللهم لا حسد...اللهم لاحسد ...
لي حسدك يعمى  ويسيلو عينيه بالماء

 اوا على الأقل ديرو شي تويشية نعسو بيه الناس، و حركو المسطرة ضد المغنية، باسم الوزارة أو الحزب تبان عليكم الغيرة الإسلامية، و تكفحو الناس، مع هاد الانتخابات قريبة وتحسب ليكم اوا ها الناس مشاو مكفحين ، و لكم التواب و الأجرأي و الللللللللله ......وحق الله..

 شفتو هادي مفكرتوش فيها كحزب إسلامي.. أوعلى الأقل كأغلبية في البرلمان،ديرو شي سكاندال في البرلمان على وزير الثقافة، وحتى هادي محسوبة ليكم كحكومة غير منسجمة..

الله يعفو علينا منكم ..

هاك امسو الوزير :

الباب الثامن ق ج خاص بالأخلاق العامة و الجنح و الأسرة ... الخ

الفرع السادس " انتهاك الاداب العامة الفصل رقم 483

" من ارتكب إخلال علني بالحياء ، و ذلك بالعري المتعمد أو بالبذاءة في الإشارات أو الأفعال يعاقب، بالحبس  من شهر إلى سنتين، و بغرامة مالية من مائتي إلى خمس مائة درهما و يعتبر الإخلال علنيا متى كان الفعل الذي كونه قد ارتكب بمحضر شخص أو أكثر شاهدوا ذلك أو بمحضر قاصر دون الثامنة عشر من عمره، أو في مكان في قد تتطلع إليه أنظار العموم ".

 اوا ها القانون امسو الرميد، أنا ما جبت من عندي والو،  تجيني  فالراص،  راه الأغنية فاقت ثلاثة مليون زائر على اليوتوب،  شوف مسيو لحليمي، يعطيك عدد القاصرين اللذين شاهدوا الأغنية الزفت.

 اوروفوار مسيو المينيستر 

"""

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش المملكة المغربية

للاتصال :                      

Khllmed80@gmail.com