إقليم الحوز رسالة إلى رئيس بلدية ايت اورير.. اللهم إن هذا منكر، فتحو هاديك الحديقة أعباد الله، تخسرو لفلوس على مشروع بيئي جميل، و تخليوه يضيع. اللهم إن هذا منكر يا أمير المؤمنين من ائتمناهم علينا جاروا علنيا، فأين المفر يا طويل العمر؟ جمعة مباركة لجنابكم الشريف، وتعازينا الحارة في وفاة شقيقكم ملك المملكة العربية السعودية

توشية كوحلابية حوزية

هاديك الحديقة أعوام أسي رئيس بلدية ايت اورير، و هي مغلقة و الأشغال انتهت مند أمد طويل و ظلت الأقفال على البوابة الحديدية جاثمة ترى ماهو السبب؟.

 هل الأمر متعلق باقتراب الانتخابات حتى تفتحون للدراويش الحديقة

و التي تعتبر متنفسا للدراويش و خصوصا النسوة ربات البيوت اللواتي سوف يستفدن كثيرا رفقة صغارهن " المحاصرين " ما كاين أي متنفس يا معشر المنتخبين بالمدينة؟.

 اوا الناس يمشيو مع الشارع يديوه و يجيبوه.

اوهووووووو عندي اقتراح كوحلالي زاكي:

  غادي يدورو الناس  فوق راصي نعاماس ، و نغرس ليهم النوار على شنتوفي = شعري فين يلعبو العيال.

و الله العظيم إلا حشومة عليكم و عيب وعار هاد المنكر لي دايرين للناس في ايت اورير.

 علاش بنيتو هاديك الحديقة بميزانية ضخمة؟

 والحق أنها جميلة لوززززززززز و جذابة، لكن دوماج = للأسف لا احد من الدراويش يستفيد منها.

عيب جردة = متنفس بيئي و طبيعي جميلللللللللللللل  تظل مغلقة في وجه الدراويش الغلابة  المساكين، لان ربات البيوت يرغبن في الترويح على أنفسهن بعد صلاة العصر، و يديو وليداتهم يلعبو في امان و يفرقو لعيالات اللغى = الدردشة حتى اذان المغرب ...

واههههههه ... حتى متنفس للصغار ما عندكومش في ايت اورير، و لا حتى فضاء للألعاب خاص بالصغار.

أخخخخخخخخخخخخ ... اميمتي نضرب جنابي، مافيهم ما نضرب، يابسين بحال عروش الشيبة

شوفوا على الأقل أعباد الله... شي خلى  = فضاء و حطو فيه شوية ديال الألعاب لو ليدات الغلابة و شوية ديال الرملة حتى لا طاح شي بزقول لا يصاب بأي أذى... ولكن علاه نتوما عندكم هاد الهم والتفكير في الناس ؟.

 شحال خسرتو  يا معشر المنتخبين بالبلدية على مشروع لوجاردان = الحديقة ؟

حرام عليكم أنكم تخليو الحديقة و ورودها تذبل و الكراسي تصاب بالصدأ ؟

واش عرفتي امسيو رئيس البلدية، لو أنكم فتحتو هاديك الحديقة في وقتها اقصد مند أعوام طويلة، كون راه لوليدات لي تزادو في فترة الافتتاح كون دابا بسلامتهم راه كا يحنقزو فوسط النوار و حق الله؟.

 سأعود للموضوع بالتفصيل...

و أخير فهمت معطل و لكن فهمت :

دابا فهمت مزيان علاش هادك الأخ الكريم الذي اتصل بي من امزميز، و لامني على وصف ايت اورير، جوهرة الحوز، والحق على رأي المتصل ان امزميز هي من يستحق لقب جوهرة الحوز؟. 

اخزيت شحال مكلخ انا، ما فهمت والوووووووووو، سطل بميزة ، واه واههههه 

الله يجبنا فالصواب .

يتبع إلى اللقاء

""""

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم.

ذ محمد كوحلال كاتب مدون ناشط حقوقي مستقل مراكش المملكة المغربية

للاتصال :                      

Khllmed80@gmail.com