مراكش لخواض يا السي الوالي دراويش حي المحاميد يستغيثون

1h19mn
و صلتنا اتصالات مكثفة اليوم من دراويش الحي السالف ذكره من ساكنة بلوك 34 و 35

يخص الهدم التي قامت به السلطة بخصوص السكن العشوائي.

  إلى حد هنا أقول طيب جميل :

 بلى ... كلام حلو و عسل بل اصفي من العسل كيف ذالك ؟

يا جماعة الخير ..

السلطة عوضت الدراويش ببقع ارضية لكن حسب أحد المتصلين هاداك التوزيع أمسيو  بيكرات  فالصو ؟

وقفة تأمل و سأعود للموضوع بالتفصيل 

زعما جنابك الموقر جبتي لينا  سياسة  ،، تنظيف مراكش ،، ونازل على رجال السلطة كتجر فيهم مساكن.

 هادا القايد المسعودي بمقاطعة الحي الحسني سابقا ، وهو أطيب خلق الله و رجل شريف ، علما انه لا جاري و لا خلي و لا حتى زوج أمي . فقط كلام حق أقوله من موقعي الحقوقي المدافع عن المواطن .

أكان  وزيرا أو حارس عمارة أو حتى ،، كوابني ،، حارس مرحاض عمومي.

الله يعطيني لقرينة و شقيقتها في الرضاعة التلفة ...

 هذا باشا  المحاميد سمعنا عنه فقط الكلام الطيب و التفاني في خدمة الصالح العام ، طيرو مسيو الوالي ...

 زعما هاد الناس كلهم خايبين وكملتيها حتى بمدير الديوان شادي دينامو الولاية ونسيت أنه عندك في الولاية اخطبوط في شخص ، ع،  راه معروف و الناس  تشكاو ليا منو كثيرررررر ...

ما بان ليكش نعاماس .. 

ياكككككككككككككككك .... نعاماس .........

راه عندك الدياجي يجبو ليك تقريرعليه .

واش  جايب لينا لمراكش سياسة ضرب الشرفاء من رجال السطة ؟

اوا رعايا صاحب الجلالة ،من سيقوم على تدبير شؤونهم ؟

الشارع معجبوش هادشي و البيبل = الناس  يسألون واش الوالي جا يخدم مراكش،  و لا جا يكرفص ناس ديال السلطة؟.  

أمولاي بيكرات  سيدنا الله يخلف عليه ، عينك لخدمة الصالح العام .

أهي جدتي من ستقوم على رعاية شؤون الرعايا ؟

عودة الى صلب الموضوع :

هاد مشكل الهدم فلمحاميد راه فيه لخواض أمسيو الوالي ،  و استفاد بعض من يحملون لبوس المجامع المدني،  تم ان الجرافة  التي  قامت بهدم الدور العشوائية ، لم تقم بالأمر بالمجان بل مقابل  3500درهم  المهم الناس  جبدو لفلوس  من جلدهم ، خمسون درهما  لكل درويش،  أي كل دار ميزات خمسين دركشا ...

الله يا سيد ربي ، ما حدها تكوكع و هي تزيد فالبيض....

واخا زعما الولاية ما عندها فلوس باش تخلص الجرافة ؟

كون كان شي مهرجان الشطيح و الرديح و هز يا وز، حتى تتلف لبوزبال   لالي مع الروتور كون خرجتو  الميزانية زائد الفائض ؟

لوووووووووو لووووووووووووو  كولو العام زين لووووووووووووووو 

و هاهي كاتمشي فلوس الشعب في مهرجان الطنز بمراكش 2014 ..

و زادوها حتى بشتيف على اسم مراكش من طرف شخص مغمور/ جمال الدبوز ،  لم ينل الشهرة غير فالمغرب لقاه مترععععععععععععععع ، اما في فرنسا فكان شخصا مجهولا ....  

و من خلال اللوحة لاشهار مهرجان الطنز على مراكش و ماليها و حتى المغاربة ، تظهر الحكرة ديال لفرانساويين  على المغاربة . 

لان أجدادنا الله يخلف عليهم كانوا رجال كرفصوعسكر فرنسا، بعضهم تبول من شدة الخوف على سفوح الريف و الأطلس ، ماشي بحال أقزام ديال دابا ...

أيهههههههههههه مشاو رجال المقاومة ، وجاو رجال المساومة ... 

الله يرحم عليها واحد عالم اجتماع يدعى ،،  حميميد ما عندو سوق ،، من الهند عندما قال:

،، مشاو السبوعا و بقاو غير الضبوعا ،،

أبشاخخخخخخخخخ

على

قشور

اللوززززززززززززززز

أخزيتتتتتتتتت  على  سراق   الزيتتتتتتتتتتتتتتتتت

المهم لي وقع فسيكتور لمحاميد ان بلوك 35داز هاني وناس هدمو تلك الدور الخربانة بدون مشاكل مرفقة بالصور ، الفضيحة وقعت في بلوك 34 ...

بوركوا = علاش ؟

كاينين شي ناس واعرين مثال :

واحد لمصنطح ،  عندو دار فيها ستين مترا خرج من ها جوج بيبان  صار له الحق في الاستفادة من البقعتين،  زعما عندو جوج ديور،  واحدة  باسمه و  الأخرى باسم المدام السلطة عاقت به ...

ولد الهم جيتي لبلاد التنفيحة  و عطصتي يا حلوف الغيس  ؟؟

أنمممممممم لي غادي دوزها على المخزن،  شي مسامر الميدة بلبوس المجامع المدنية استفادوا مزيان و خدموا مع السلطة و دارو بلبلة وسط الساكنة.

 الغريب في الأمر ان احد المسامر عندو خربة،  فتح باب من الخربة عبارة عن غرفة ، و حسبوها ليه دار، على أساس انه عندو زعما جوج ديور،  وحدة ليه و أخرى بورصافي =  ابنته و هي  تشتغل بمؤسسة غير بعيد عن مقر ولاية الجهة  و استفاد خونا القافز من بقعتين ، لان السلطة أرادت أن تقولب نفسها ، زعما هاداك راه خونا ولااااااااااااا ...  تفرقونا  راه  الشمس  سخونا .

المهم كما قلت هناك لخواض و الريحة وصلت حي المسيرة ، وغدا توصل وزارة الداخلية ، وانا مسالي = ليبر مسيو بيكرات  و غادي نفركع لكيم الرمانة نعامس.

بجهد الله ورضات لي بارو = الوالدين ...

و قد سبق لي في لقائي الأخير أمام  مقاطعة المحاميد أن قلت لعدد من المواطنين

 ،، ردو الولهة راه شميت لخواض عندكم هنا ،،

لان الخبرة الطويلة في مجال الدفاع عن الدروايش = حزقستان و خصوص هاذ  النوع من المواضيع ، صرت أميز بين النصاب وخوه  الخواض و المتضرر ...

 يضيف احد المتصلين ان هناك ثلاثة دراويش قد أوصى عليهم السي الوالي،  و نالوا ثلاثة  بقع لأنهم يعيشون عيشة الذبانة فلبطانة ...

هادي تحسب لك مسيو الوالي ، درتيها  زوينة وهي الأولى من نوعها ...

اوا زعم شوية مع الدراويش باش يحبوك، و فوت عليك رجال السلطة الله يفتح عليك...

خلاصة:

 الدراويش تضرروا والعفاريت استفادوا ... 

يتبع إن بقي في العمر بقية

.*******

الخبر ينطلق من هنا ،،جريدة اليومي الصحفي،، تواكب الحدث بجهة مراكش تانسيفت الحوز.

http://www.quotidienpress.com/                         

’’مراكش تايمز’’ منبر لمن لا منبر له, و صوت لمن لا صوت له, و ظل لمن لا ظل له, موقع الدراويش و الله الموفق و السلام عليكم

ذ محمد كوحلال كاتب مدون ناشط حقوقي مستقل، محرر بجريدة اليومي الصحفي .

للاتصال :

Khllmed80@gmail.com