مراكش نداء: إلى العمدة : واش معندكومش غيرة على مراكش و السياحة ؟

للمرة الثانية بعد شهور خلت تكلمت عن المرحاض العمومي "بشارع يوغوسلافيا: بحي جليز، المتواجد أمام مصلحة السياحة المكلفة بتوجيه السياح و إرشادهم. تخيلوا انه شي سائح حضر للحصول على معلومة من المؤسسة المذكورة، و دار شي طلة من الدربوز ديال المرحاض ...
 أبشااخخ اش منك يا روائح زفت و فياحة " مجهدة كاسرة" تكسر الزنافر " مفرذ زنفرة ". لأي سائح مزغوب وأيضا المارة. و سبب هاذ الزفت ان المرحاض أغلق مند أمد طويل وشي بهايم = حلالف الغيس" مفرد حلوف الغيس" يضعون التويشيات الزفت، أمام باب المرحاض المغلق. من حسن الحظ ان المرحاض يوجد بالطابق الأرضي. حشمت نصور هادوك الأطباق ديال بريوات قشور كابايلا .. 
انا بيت نعرف واش معندكومش غيرة على مراكش،وعلى السياحة و سمعتنا نحن كمراكشيين؟؟..
 يبدو لي ان الحل هو نجيب جدة من روضة لخميس تقوم مقامكم، لتدبير شؤون مراكش. لأن رئيسكم داير البلوكاج،ونتوما دايرين بلوكاج المشاريع..

واحنا مازال ما برد عندنا مؤتمر كوب 22 يجي شي سائح يصور و يلوح في الفيسبوك، و اليوتوب ..
 هاكاوا .. على بركوكش المحكوك .. يتوب على اليوتوب..
 راكم ما درتو والو فمراكش فقط كملتو مشاريع المنصورية .. لم تحققو ا شيء واااااااالووووووو

عيب الناس و التوريست يدوزو يشوفو هاذيك غريبة ديال الدشيشة فلون خنوني.. زعما راه الناس دارو فيكم الثقة و فوضوا لكم شؤون تدبير المدينة، وتشوفوا مصالحهم، ولكن نتوما فقط همكم الحصول على الكراسي. اوا هادشي علاش الناس لا تصوت و فكعانة على وزن غضابنة، من صناديق الاقتراع.. أوروفوار ..