قصيدة زجلية بقلم : ذ عبد الحي نافعي
العز مشا يا مسكين
نهار كانوا ماليه كملين
أصبحنا اليوم بين الرجلين
لكبار على الصغار حكرين
المسئول مغمض العنين
الحقد و الكراهية مدفونين
فقلوب أعداء الديمقراطيين
الجهل و الأمية مسيطرين
فعقل جميع السياسيين
او حتى
جاهلية المثقفين
العز مشا يا مسكين
نهار كانوا ماليه كملين
الخطاب ضرب الإداريين
فيقهم من نعاس هاد سنين
حذار من غضبة المواطنين
أما النفاق السياسي بين او بين
بن زيدان جمع معاه المهرجين
فمهرجان الضحك فحكومة العدليين
ها شباط ها لشكر ها التقدميين
ها الكيكس ها البيسكوي السامعين
No comments:
Post a Comment