مراكش غضبة ملكية على المنتخبين،وغضبة المواطنين على والي أمن المدينة

حياكم الله السلام عليكم اربطوا الأحزمة من فضلكم:

كل ساكنة مراكش مند ذلك اليوم التعيس الذي عاشه السلطان بمراكش،حيث حضر على بغثة وغادر على بغتة غاضبا على المنتخبين ..

كل الساكنة بقيت تردد  العبارة التالية:

 " الملك غضب على مراكش ".. و صححت للبعض ان جلالة السلطان، عمرو ما يغضب على مراكش و المراكشيين اطلاقاااااا .. لأن جنابه الموقر  يحب المدينة،وأهلها أسوة بابيه رحمه الله. ولكن السلطان غضب على المنتخبين وخصوصا الشوهة ديال  الطريق لي سدو  المؤدية إلى إقامته. بسبب بلان = تصميم زفت لحديقة  "عرصة لالة رقية .. سيدي ميمون" ثم اكتشافه لفضيحة أخرى تتجلى في غياب  الإنارة العمومية ببعض المناطق بالنخيل.

شوفو الزيار اش دار ليهم؟.صيفطو الشاحنات لزرع بولات للإنارة العمودية حتى الرابعة صباحا والناس باقيين خدامين ..

 اللهم راحة البال ديال  الحسيمة، ولا و صهد و فقسة ديال مراكش ..

 راه مراكش هذا فرنك الجاوي  تبخرو .. سير على الله ..

ما عالينا يا سادة يا كرام :

قيل لي أكثر من مرة لماذا لم تكتب على موضوع الغضبة الملكية؟:

 " فقلت لهم  سا محوني يا جماعة الخير، إنني أكتب لأجل الصالح العام محليا و وطنيا، و لكن لا حياة لمن تنادي .. فرد علي احد الخلان:

 " و الله العظيم كون غير كانت مراكش هي العاصمة، و يكعد ليهم الملك للأرض...الخ".. 

لكن غضبة المراكشيين يا جلالة السلطان المفدى، كثيرة و دائمة و مستمرة على بعض وليس كل  رجال السلطة و المنتخبين خصوصا، أما الأمن يجيبو الله،والوقت خايبة فمراكش= الأمن صفر .. إلا فات 11 ليلا بأحياء المسيرة 1 / 2 / 3 لي عندو شي خربة يمشي حدا ولادو..

  الوقت خيبات بزاف فمراكش..هادشي و لا كا يخلع. وعمرو ما كان حتى قبل ما يجي مسيو الدخيسي .. و هذا موضوع يتردد يوميا لرعاياك الدراويش يا جلالة السلطان،أعزك الله،وأعزنا الله بطول عمرك ..

أولا : فضائح ملحقة جامع الفنا

ممر مولاي رشيد" البرانس" نبهني احد الخلان الى مقاهي للمأكولات الخفيفة، محتلين الملك العمومي، على عينك يا بن عدي، خطوات قليلة من مكتب القايد. علما ان تعيين القايد مسيو إدريس، لم يمر عليه سوى أيام قليلة. ولكن واش القايد جاب دورة يشوف و يتمعن بالساحة ؟ للأسف لااااا .. لان المقاهي مخصصة للمأكولات الخفيفة، خصوصا جوج قرب البنك مخرجين الكراسي والطاولات، وهانية على وزن زاكية ..

شهادة لله في حق أعوان السلطة بملحقة جامع الفنا

هادوك الناس راه خدامين و خصوصا الشيخ ناس لوزززززززززز.. من لبارح و هوما شاعلة فيهم العافية تالفوهم هادوك الفراشة ديال "البرانس".. يجريو على هذا يجيهم الأخر من بلاصة أخرى من البارح ليلا و نهارا، أو هوما عايشين على أعصابهم. لان هادوك الفراشة جلهم وليس كلهم "بممر البرانس" و الله العظيم ما درتي معهم القوة، و هزيت ليهم السلعة للخيرية يحتى يطلعو ليك فالراص. لأنهم فوضويين، اوا اجي و اسي مولاي القايد، لي مازال مسخنتي بلاصتك، و ما درتي والوووووووو .. تشوف بالليل بعد منتصف الليل ، اش من كلام خايب وشي تويشيات خايبة بالجهد .. دايرينها بعض و ليس كل الفراشة " بالبرانس"..

 ما عالينا : 

 قلت أعوان السلطة بجامع الفنا، أعرفهم واحدا واحدا، خدامين لوزززززززززز.. و لكككن ..  المخازنية شوية وأنا ساكت عليهم، لأنه ما يصلني باستمرار من شكايات عدة  لا يصلح للنشر. انصح بتغيير كل طاقم القوات المساعدة بملحقة جامع الفنا..

أما الباشا فلا نسمع عنه لا خير و لا شر، غاااااااااائب عن الساحة تماااااااااااما .. فقط يحرص على حضور المناسبات والأنشطة رفقة الوالي .. 

أنا بان ليا كغيري من الغيورين على مراكش، أنه محال واش كاين عندنا باشا فلمدينة، نفس السؤال بالنسبة لوالي الأمن؟..

سأعود لموضوع باشا المدينة لاحقا بالتفصيل ..

ثانيا: ملحقة الحي الحسني

كراسي و طاولات المقاهي صارت مسرحة بحال كرداس العيد، بحديقة عمومية غير بعيد عن المحور الطرقي" القنطرة سابقا " أمام الشارع المؤدي إلى ملحقة الحي الحسني.

 " العصارة " صحاب "نص نص و قهوة مهرسة" محتلين جزأ من الحديقة العمومية المتنفس الوحيد لحي كبير و الساكنة كثيييييييييرة .. أما ليلا لي غادي مع وليداتو و الأهل، يسطح كرسي أو طاولة " لثالث مرة اكرر الموضوع، ولكن القايد ماكاينش فهاد العالم ..

زعما أسي كوحلال عاود لراسك ها مشي و زيدك النخال ..

اوا نتوما المانضة طلعة، خدمتو ما خدمتو هانية، سيارة الدولة و المازوط على حساب الشعب. هزو ولادكم "الويكاند" تبرعو مع راصكم ... اللهم لا حسد .. و حنا لي كنحرقو أعصابنا و مجهودنا فقط من اجل الصالح العالم .. خلاصنا عند الله سبحانه و تعالى ..

الوالي عرفنا ان مهمته هي الانتخابات، ما عندو سوق تطلع تنزل، المهم تدوز الانتخابات،و بعد تعيين حكومة2017 من بعد يصيفطوه، إما إلى الداخلية أو التقاعد.واحدة فيهم لا ثالث لها، و ذكروني .. لان والي مراكش المقبل جاي من الداخلية .. ذكروني ..اكرر و لابأس في التكرار..

ثالثا: ملحقة المحاميد ت"جزئة مسلم

لبارح رجعت من نفس المكان و بقيت الفوضى و الرويينة، " مسلم" سوق عشوائي بشع عرقلة المرور، الازدحام كثيييييييييييير يدير فيك السكر..و الله لا دزتي من هاديك الطريق، إلا ما عندك صبر أيوب على رأي سائق أجرة  ..

أملي فيك يا جلالة السلطان أبقاك الله حصنا منيعا لنا من هؤلاء المسئولين المتهاونين:

يا جلالة السلطان يا طويل العمر، ان غضبتك مباركة،وما أحوجنا يا أبا الحسن، لغضبة على والي الأمن الذي أبان عن فشله. لقد صار رعاياك الأوفياء بمراكش يعيشون الهوس والخوف، و على لسان ساكنة السميرة 1 / 2 / 3 الوقت راه خايبة دخلو فحالهم بكري ...الخ. 

لكريساج و السرقات نهارا جهارا أما ليلا فالسيبة.

 و هادو يسرقو خروف، ماشي مواطن في الزنقة بالنهار أما بالليل، فاكرر دعاء أحب إلى نفسي يا أمير المؤمنين:

"اللهم لا نسألك رد القضاء و لكن نسألك اللطف فيه"..أي و الله..الأمن فمراكش صفر على أصفار .. الله يكون فعوان المسكين الدرويش ..

يا حفيد بطل التحرير:  إذا كان السي الحموشي،مهتما بملف الإرهاب، فمن يهتم لأمرنا يا طويل العمر؟..

سبحان الله و لا حول و لا قوة  إلا بالله يا لها من مفاجأة غريبة مبكية مضحكة ..

 شاهدت اليوم  سيارة الشرطة من نوع " شيفرولي"  على ما اعتقد في حدود الرابعة و الربع، بغد الظهيرة، أمام مخبزة شيك= زاز خطوات قليلة عن" سوق أسيما المسيرة " فقلت الحمد لله ان حينا الكبير المسيرة و صله صدانا،وهناك حملة أمنية، وإذا بي اكتشف ان السيارة متوقفة لغرض، ربما سائقها يرغب في  شراء الكومير،أو كرواصة،أو ورقة ديال البسطيلة...الخ .. الله اعلم ..

واههههه ما حيلتنا للكلاب الضالة، ما حيلتنا للكلاب البشرية المفترسة " اللصوص"؟ مراكش في خطر يا عباد الله  إننا نعيش وضعا أمنيا صعبا بل كارثيا يا ملك الجماهير،وإذا كان هؤلاء المسئولين رجال سلطة  و منتخبين و أمنيين، لا يأخذون بكلام مواطن من العامة، يشتغل باجر من رب العالمين، من باب  الغيرة على المدينة والصالح العام،ودفاعا عن رعاياك الدراويش ..

إذن السؤال:

 إذا كان جزائي هو التهميش و رمي كتابي هذا، و غيره بسلة المهملات، فيؤسفني أن أقول أنني لم يعد يشرفني أن أكون مغربيا، ولا يشرفني أيضا أن احتفظ بالجنسية المغربية،ولا بجواز السفر و لا حتى البطاقة الوطنية.لكن تقديري وبيعتي  لجنابكم الموقر المشمول بالتوقير، لا نقاش فيها تماشيا مع قول رسولنا الكريم: " من مات و ليس على عنقه بيعة مات موت الجاهلية " و لكن أسيدي أعزك الله، هاد المسئولين فمراكش و خصوصا البريفي، راه غادي يخرجوني من الملة  أي و الله .. 

دام عزكم يا صاحب العزة، و نسال الله لكم العون، و أن ينصركم على هؤلاء المسئولين الخاملين المتهاونين ..

اللهم انصر خليفتك على هذه الأٍرض المباركة،ولا تنصر عليه، اللهم اعنه و لا تعن عليه ..

لقد صارت مراكش شبحا مخيفا، لا تقل عن مدينة الدار البيضاء، لا أمن لا أمان  فقط الخوف، و لا مسئولين يخشون ربهم، والأمانة الملقاة على عاتقهم، أما الضمير المهني، فعملة نادرة يبحث عنها علماء الأثار.. إلا من اخذ الله بيده ..اي نعم.. 

 اوا حنا نكتبو و نتكرفصو،ما  نبيعو،ما نبوسو لكتاف،وليدين ما نطلبو الإشهار،ما نقلبو على المنتخبين من اجل إجراء حوار على اليوتوب، مقابل ألف درهما،ما نوصلو خبار لصحاب الحال...الخ. ولكن النتيجة و الجزاء ما يلي:

  مشي +  النخال  + كتب حتى تموت + عاو لراصك = سير لوح راصك فواد ايسيل ... 

المانضة طالعة و السيارة ديال الدولة و المازوط فابور ... و ارااااااا برعععععععع..

 لا حول ولا قوة إلا بالله..

 أتمنى من جلالتكم بارك الله فيكم، زيارة مراكش و الاقامة ولو لأسبوع، تشوفو أسيدي فين عايشين المراكشيين الدراويش؟؟ .. دام عزكم و فضلكم و السلام عليكم ..