عاجل إقليم الحوز: فين أيامك اسي البطحوي؟ ولاد الدراويش كايضيعو "بمركب اغبالو ستي فاظمة " يا جلالة السلطان

منعوا من ولوج القسم الداخلي، الذي يوفر لهم المبيت والأكل و الشرب، نظرا لأنهم ولاد الدراويش،وهم  يقطنون بدواوير بعيدة، و ظروف أهاليهم  الاجتماعية لا تسمح بتوفير سكنا قار لهم.ويعتبر مركب أغبالو ستي فاظمة السبيل الوحيد لهاد التلاميذ، يكملو دراستهم و الله يخلف على الدولة و جمعيات محلية و وطنية ودولية التي تتبرع بالمال حتى يتمكن هاد التلاميذ من مواصلة مشوارهم الدراسي في أحسن الظروف، و يحققون ما يصبو له كل أب و أم .. و لكن للأسف الشديد وصلنا خبر اليوم من عين المكان، يفيد أن هناك لفيف من التلاميذ منعوا من هذا الحق المشروع لهم بقوة القانون، وعدد التلاميذ المحكورين المظلومين يصل إلى 14 نفسا .. و حق الله العظيم إلا عيب هادشي..

 منين كان السي البطحوي عامل بالحوز، كان رافض جملة و تفصيلا أن شي تلميذ يتمنع من حقو من الاستفادة من القسم الداخلي. لأن الدراري ما عندهم فين يسكنو، و دارو عليه ضجة و   الرونية الكحلة واعتصام مطول، و ناس كالو وشربو وتبرعوا خلال الاعتصام ..

 لا حول ولا قوة إلا بالله ..

شوفوا الله سبحانه و تعالى كبير، بين العيب فين كاين، لان مسيو البطحوي، الله يخلف عليه كان ولد الناس .. مرضي الوالدين ..همو الدراويش أولا و أخيرا ..

 أنا ماغاديش ندخل في التفاصيل، لأنها لا تهمني،ولكن التلاميذ خصهم يرجعو يقراو ويستافدو من حقهم في الإقامة بالقسم الداخلي ..

أشنو دابا هاد الدراري يضيعو في الدواوير، أولا يمشيو يسرحو،أو يتعلمو الفلاحة؟ ...

اعباااااااااااااد الله.. واش كاين شي حق فهاد لبلاد؟

 هاد الدراري راه المسئول على المركب  بغا يضيعهم،ربما لان الأمر يتعلق بحسابات شخصية، أو شي تويشية ما عندي سوق ..

واااااااااااه .. وصلت بكم الوقاحة أنكم تمنعو وليدات الدراويش من الدراسة؟ ..

اوا أش بان ليك أسي  العامل التويمي؟ ..

 اوا فك هاد لحريرة،ورجع الدراري يقراو، 14 تلميذا بسلك الاعدادي حتى لو كان فقط تلميذ 1

غريب من نهار تعينتي اسي التويمي، عمرنا ما سمعنا عليك  لا خايب و لا زين ..

 يتبع إلى اللقاء