mardi 2 août 2016

ما مصوتش نهار 7 أكتوبر

سنين كا نصتو وكايضحكو علينا بالوعود بنكيران قلب الفيسيتة وهلك المزاليط  و الدراويش بالزيادات.. وزير الكارطة فاش يحاسبوه أقالوه و ضصمو التحقيق، وزكت العاصفة، وزير الشكلاط يخسر فلوس الشعب في الشكلاط، وزيرة تهين الشعب بجوج فرنك،و أخرى جابت الزبل و الأوبئة للشعب من الطاليان وبالأطنان للمغرب زين البلدان.
وزراء  يتقاضون الملايين في الشهر و التقاعد، و برلمانيين جلهم لا يهتمون لأمور الشعب المقهور.. الخلاصة  :  والووووووو .. برلمان ديما خاويييييييييي
فلوس الشعب في جيوب السياسيين من أجور عالية و امتيازات قمة في الكرم و تقاعد مريح.. مهرجان موازين يمتص ملايير، والشعب غارق في الفقر ..

تعليم مسالي صبيطارات مخصوصة من التجهيزات، كملتها الحكومة بهدية مسمومة من خلال قانون التقاعد .. إذن هاد السياسيين ليسوا ممثلي الشعب بل هم أعداء العشب .. يضاف الى هذا دعم بالملايير للأحزاب .. مع أنها لا تقدم و لا تؤخر، بل ساهمت في رفع الفقر والبطالة في صفوف شباب الجامعات و مراكز التكوين المهني بشتى فروعه ، و الأزمة الاقتصادية  خااااااااااااانقة .. غرقنا بنكيران بالديون الخارجية و المزلوط من جلدو غادي يتخلص الدين الخارجي .. الشعب نضج و صار شعبا واعيا ليس بتعليمكم الزفت ولا بإعلامكم المضروب الصلاحية الممنهج، و لكن الشعب وعى بسبب الفقر و الأزمة و البطالة و رفع أسعار القوت .. لان الفقر يولد الانفجار ..
قربت  الانتخابات الأحزاب كلها كا تنوض تبرمج و تكذب، و تواعد الشعب بما لا تقدر على القيام به.. نفس الاسطوانة المشروخة تتكرر وعود و بعد  الانتخابات تغلق دكاكين الأحزاب و الشعب يعش 5 أعوام أخرى جديدة من الألم و الفقر و الحاجة و ضعف الخدمات في جميع المجالات .. إلى متى سوف يظل يضحك علينا هؤلاء السياسيين؟؟؟
تبادل الأدوار ليس إلا .. يكذبو علنيا في المعارضة، ولما يطلعو إلى الحكومة يقلبو الفيستة..
باركا راكم شمتو بلا قياس .. سبب المحن ديالنا هي الأحزاب يدخل  مزلوط مسلوت.. يخرج منفوخ بحال الفروج .. لي بغا لفلوس يلعب في السياسة ولكن عند ربك تحاسبون ..
 البطالة ارتفعت، الشباب ضايع،المعيشية غلات،المسكن كا يموت وخدام الدولة و السياسيين  عايشين 5 / 5 .. المحسوبية و باك صاحبي، والرشوة ماخلاتش ولاد المساكين فين يعيشو.. مابغاونش نقراو بغاونا نكونو فقط صناع تقليدين، وشباب موظفين صغار ديال خدام الدولة، و أبناؤهم يحتفظون لهم بالمناصب ..
أش من شفافية و  لا حكامة الله يهديكم .. راه حنا عقنا و فقنا و مع الانترنيت انتفضنا ... لن أصوت يوم 7 أكتوبر .. 

Aucun commentaire:

Enregistrer un commentaire