mardi 26 juillet 2016

تويشية كوحلالية : ماكاينش في العالم دولة ديمقراطية فيها مواطنون خدام الدولة ومواطنون عاديون درجة2

باراكا علينا من الديماغوجية أسي حصاد،و وزير المالية  بلاغكما أقول عنه انه بلاغ معاق "قانونيا " أي ان المرسوم الغرض منه يتلفو الناس،وهذا مقتطف من مقال ذ توفيق بوعشرين حيث استند في مقاله التحليلي على الفصل 82ها هو الرابط مقال ممتااااااااز اليكم مقتطفات منه:
شق آخر من البلاغ هو مجرد ترويج الأسطوانة المشروخة دائما،ان الوثيقة المسربة حول ارض اقتناها "مسيو التوفيت" نموذجا هي حرب ذات صبغة سياسية..بمعنى ان الدرع الإعلامي لحزب بنكيران هو من اخرج الخبر إلى الوجود علمان، ان منابر عدة سبقت الحزب و كان موقع زنقة 20 صاحب السبق، ثم موقع لكم حسب ما تابعت،تم جرائد تقليدية ورقية،وكانت أكثر احترافية في بسط الفضيحة بصريح العبارة..لان الصحافة الرقمية يغلب عليها الفوضى و قلة الاحترافية بمعنى كور و فرشخ لعور .. وجل و ليس كل المواقع فيهم البيع و الشرا .. 
حط لفلوس= دخل تسخن، نحط ليك التويشية مقال مزعطر خبر كاذب ...الخ
اوا دابا وزير العدل مسيو الرميد من حزب بنكيران، يقول انه لا يمكنه فتح تحقيق حول هذه النازلة طبقا للفصل 265 اوا ها الرونية بدات دابا : 
بمعنى بركوكش المحكوك، يتلقك المرسوم، يطير عليك الفصل القانوني ..
اميمتي فين نرد راصي ..
هادو تلفو ليا حتى القبلة علاش كا نصلي .. 
تخريجة قانونية من وزارة العدل وأخرى من وزارة الداخلية من خلال مرسوم لا يخضع للمساطر.. يعني ماكاين واااااااااااالو لن ننتظر أي تحقيق  كما هي العادة ..
 سخانة وغادي دوز و ينساوها المغاربة، كما نساو عدد من الفضائح،من ملعب مولاي عبد الله الى تسوماني بنما أنموذجا ..
 هانية على وزا زاكية .. غير المغرب هذا .. 
ماكاين والوووووو ..
 طيب ما عالينا  :
دابا خدام الدولة يستفدون اوا أصحاب المشاريع لي غادي يخدمو ولاد عباد الله، ما يستفدوش اقصد من الثمن لان الأرض، الثمن باش طارت لمسوي "التوفيت" و منو عدد من كبار خدام ليطا= الدولة مفروض يكون نفس الثمن لمستثمر مثلا ..
 ماكاينش شي دولة الديمقراطية  في العالم اعباد الله حتى في دولة طانزانيا الشقيقة حسب جدتي، كاين عندهم هاد التويشية الباسلة بحال دواز اللفت .. خدام الدولة ..
 هادي ارض خاصة لخدام الدولة و هادي ارض زبالة لباقي افراد الشعب.. 
يعني بالفيريتي حنا مواطنون درجة 2 ..
سعداتي بدولة الحق و القانون افرحي اسعدي بالدقموقراطية و لابسة تكشيطة فالخوخي منقطة بالمسكي و مخيطة بخيط خنوني ...
أبشااااااااااااااااااخ..كوليني يا سمكة يا بنت الهم و هنيني ..
 سيقول احدهم: سارد عليه أولا: الله يعطيك لحلاقم ، ثم " أداة عطف" ثانيا:العطفة يا مول العطفة .. ان الأرض هي مخصصة للفيلات ...أممممممممممم... يااااااااااااااااك .. أمممممممم ..
ماكاينش شي اسم يلعلع في دهاليز الدولة ما استفاد من هاديك الٍأرض بلا ما نذكرو الأسماء راه لا ليست = الائحة موجودة على المدونة الخربانة اقصد مدونة لافيراي..
اوا علاه مايمكنش تكون مشاريع سياحية، فهاديك الأٍض زعما.
اكزوبل = على سبيل الذكر لا الحصر فنادق مصنفة مطاعم لوززززز جنب هاد الفيلات الفخمة حتى التوريست غادي يتلف ليهم الضرب سوف يعتقدون ان المغرب سويسرا ديال لافريك..
 إلا جاب الله سبحان الله من باب التحذير : تلف ليكم التوريست،وداز شي فرك بجانب أحياء الدراويش،وصيو المرشد السياحي يبلغهم ان تلك الدور مجرد بلاتو لتصوير فيلم سوليمائي عنوانه .." كيتانا يا خلانا و خلا لي ولدونا فهاد لابلاد" ..
سيناريو وحوار خدام الدولة..
 إخراج مسيو الريع غادي ويتكرع..
نتوما ناس واعرين ..
المشكل الكبير لي  في المغرب ان المسئولين و السياسيين جلهم معندهمش ثقافة ديمقراطية و حقوقية، بمعنى أنهم يفتحو تحقيق و تكون المساواة بين المواطنين في كل خيرات لبلاد .. كما هومنصوص عليه فالدستور المسااااااااااااااااااوااااااااااااااة ..
فقط الغضب والتنوعير السياسي ويتلفو الناس بإعلام والو،يخربق الناس ويتلف ليهم لالي مع الروتور = الذهاب مع الاياب .. 
اوا دابا غادي تفسرو ليا بوركوا حصاد و بوسعيد لا أحد منهما جاوب على سؤال نواب الأمة ؟ 
احاطة ..  إلى اللقاء

Aucun commentaire:

Enregistrer un commentaire