السكايب و 17 جي ديما تجي

ماشي معقول مسيو احيزون يقطع السكايب و" الفقيه العلامة المفتي "بنكيران يقطع من أجورالمضربين ليوم

24 / 02 / 2016 

باش تعرفو واحد التويشية بخصوص حرمان الشعب من خدمات الإخوة الأشقاء خصوصا: الواتصاب و شقيقه الأكبر البكر  السكايب .. هو ان شركة مسيو احيزون قانونيا ليس لها الحق بتاتاااااااا..حرمان المغاربة من هاد التويشيات،لان هذه التطبيقات ليست ملكا لها حتى دير شرع يديها وتتصرف فيها. 

حرمان الجماهير من نعمة التواصل بالصوت والصورة .. اخص بالذكر السكايب. هذا رقم 1 أما رقم جوج ان هذه التويشيات في ملك شركة عالمية  ...

 بلاتي توشية أخرى و أخيرة : تعتقد الشركة ان التطبيقات فابور...واههههههههههههه ..

الله يا حنيني مسيو احيزون؟...

 علاه هاد الناس نازلة عليهم الكونيسكو من السماء، ياك الناس كيشريو تويشيات التعبئة، و اخرون منخرطون؟ ... علا ديك الكونيسيكو الزنية ثقيلة أكثر من المشية ديال

الفكرون = السلحفات تنوض فينا الجعرة وعمتها لغدايد ...

 أرى ما يراه الجميع ان هادي راه الحكرة ....

  سؤال فرشخ ليا دماغي ليلة أمس، بخصوص هاد الحكرة لي دايرين لينا فهاد لبلاد، من حكومة  الى برلمان الى شركات الاتصال. قلت التويشية لي فرشخت ليا دماغي لبارح، هو أين جمعيات الدفاع عن المستهلك،أليس من المنطق أن تتدخل هذه الجمعيات وتنوض لعجاجة من اجل رفع الحكرة عن الناس؟.

قلت في تويشية سابقة ان السكايب أهم تطبيق يستهلكه المغاربة بافراط سديد= شديد بسبب  عوامل اجتماعية.

اكزومبلات = أمثلة

 كاينة لي عندها ولدها طالب كاتهضر معاه و يهضرو معاه كاع الفاميلة صوت وصورة، وناشطين مع راصهم مع شي كاملية او شي طنجة بكرعين الدجاج و زيت بلدية، وعواد الفقسة، اقصد عواد القرفة.

 كاينين ناس عندهم الفاميلة  في ليترونجي = الخارز زعما الخارج، يتواصلون معهم واحد يهضر معا الواليدة ، و الجدة  و الجد وابناء الزيران = الجيران اقصد  ...الخ.

 واحد مع  خطيبته كايشوت عليها بصواريخ زعتية و يطمئنها انه يشد البرد اقصد الكونحي يجي يضرب النوار فلبلونش  لبيض فلكحل ... و الحق هو جاي فقط يطهر = الختان لولده.. و تابعاه مدام كازولين = الزوجة = شقفة  لاصوت  لا صورة، جرها بحال إلا جار ملف تسوية وضعيته القانونية ببلد المهجر اقصد الإقامة. الا طاحت ليه بحال إلا طاحت شي ورقة من الملف ..

 كخخخخخخخخخخخخخخخخخخخخخخخ  j  ai le fou rire

 كاين ... و كاين  ... و الباقي الله ...

من جهة أخرى كاينين طلبة شباب واعرين عايقين قافزين، يتواصلون مع طلبة من زامعات  زعما جامعات... بالخارز مرادفها الخارج، لغرض التواصل و التعاون بخصوص بحوث جامعية من مستويات:بالماستر الدوكتراه،كاين لي تايشارك في ندوات علمية بالسكايب دائما ..
ماشي بحال ولد الصكعة نهار و ماطال وهو خاشي وجهو فالسكايب.

خاتمة الله يختمها بخير فهاد لبلاد : 

يعجبوك غير فالاشهارات ها 3 جي ها 17 جي ....

و تبرع كي بيتي ... و هضر و ترتر  كي بيتي ... الحنين ..

 مع الكونيكسيو 17 جي .. برق ما تقجع .. اوا ها الهمزة وزيدك هاد الغمزة ..

 اوا كن ...  لوزززززززززززز ..  و سير شارجي ... ولا عطاك العاطي ما تكليكي ما تشاطي ..

مع 17 جي ديما تجي تشارجي .. و تكن مهني .. 

 17 جي ديما تهنيك بحال  لمسن لي يشهيك ...

إلى اللقاء